For Quick Alerts
ALLOW NOTIFICATIONS  
For Daily Alerts
 

அவரை டீமை விட்டு தூக்கினால்.. ரோஹித், ரஹானே 2 பேரையும் ஆட வைக்கலாம்.. கங்குலியின் மெர்சல் ஐடியா!!

Recommended Video

ரோஹித் ஷர்மா அணியில் இல்லை..கொந்தளித்த ரசிகர்கள் | Ind Vs WI Test | Rohit Sharma

மும்பை : வெஸ்ட் இண்டீஸ் அணிக்கு எதிரான முதல் டெஸ்ட் போட்டியில் ரோஹித் சர்மா, ரஹானே இருவரில் யாராவது ஒருவரை தான் இந்திய அணியில் ஆட வைக்க முடியும் என்ற நிலை உள்ளது.

இந்த சிக்கலை தீர்த்து வைக்க கேப்டன் கோலிக்கு பலே யோசனை ஒன்றை கூறி இருக்கிறார் கங்குலி. ரோஹித் சர்மாவை துவக்க வீரராக களமிறக்க வேண்டும் என்று கூறி இருக்கிறார். அதற்கு ஒரு வீரரை அணியில் இருந்து நீக்க வேண்டும்.

இதை செய்தால், ஒரே நேரத்தில் ரஹானே, ரோஹித் இருவரும் அணியில் பங்கேற்க முடியும் என கூறி இருக்கிறார்.

அஸ்வினை டீம்ல எடுக்க முடியாதுன்னு சொல்லுங்க பார்ப்போம்.. அதிர விட்ட ஜேசன் ஹோல்டர்.. சிக்கலில் கோலி! அஸ்வினை டீம்ல எடுக்க முடியாதுன்னு சொல்லுங்க பார்ப்போம்.. அதிர விட்ட ஜேசன் ஹோல்டர்.. சிக்கலில் கோலி!

பெரிய மாற்றம்

பெரிய மாற்றம்

இது பலரும் முன்பே குறிப்பிட்டாலும், இப்போது அணியில் உள்ள சூழ்நிலைக்கு பொருத்தமாக உள்ளது. மேலும், நல்ல பார்மில் இருக்கும் ரோஹித் சர்மாவுக்கு இது டெஸ்ட் போட்டிகளில் மிகப் பெரிய மாற்றமாக இருக்கும்.

அணியில் சிக்கல்

அணியில் சிக்கல்

வெஸ்ட் இண்டீஸ் அணிக்கு எதிராக ஆட உள்ள இந்திய டெஸ்ட் அணியில் ஆட உத்தேச அணியில் உள்ள அத்தனை வீரர்களும் தயாராக உள்ளனர். ஆனால், 11 வீரர்கள் மட்டுமே ஆட முடியும் என்ற நிலை. இதில் குறிப்பாக மிடில் ஆர்டரில் இடம் பெற ரஹானே, ரோஹித் சர்மா இடையே போட்டி நிலவுகிறது.

பேட்டிங் வரிசை

பேட்டிங் வரிசை

இந்திய அணியின் பேட்டிங் வரிசையில் துவக்க வீரர்கள் மாயங்க் அகர்வால், ராகுல், அடுத்ததாக புஜாரா, கோலி, ஹனுமா விஹாரி இடம் பெறுவர். விக்கெட் கீப்பர் ரிஷப் பண்ட்டும் மிடில் ஆர்டரில் இடம் பெறுவார். இந்த ஆறு வீரர்கள் தவிர நான்கு பந்துவீச்சாளர்கள் அணியில் இடம் பெறுவர். மீதமுள்ள ஒரு மிடில் ஆர்டர் இடத்திற்கு ரஹானே, ரோஹித் இடையே போட்டி ஏற்பட்டுள்ளது.

ரஹானே பார்ம்

ரஹானே பார்ம்

இவர்களில் ரஹானே சமீப காலமாக சரியான பார்மில் இல்லை. சர்வதேச டெஸ்ட் போட்டிகளில் இரண்டு ஆண்டுகளாக பெரிய அளவில் ரன் குவிக்காத அவர், கவுன்டி டெஸ்ட் போட்டிகள், பயிற்சிப் போட்டி என அனைத்திலும் சொதப்பி இருக்கிறார்.

ரோஹித் அனுபவம்

ரோஹித் அனுபவம்

ஒரு போட்டியில் நன்றாக ஆடினால், இரண்டு போட்டிகளில் ஒற்றை இலக்கத்தில் ரன் எடுத்து ஆட்டமிழந்து வருகிறார். ரோஹித் டெஸ்ட் போட்டிகளில் தொடர்ந்து ஆடியதில்லை எனும் நிலையும் உள்ளது. இவர்களில் யாரை தேர்வு செய்வது?

கங்குலி யோசனை

கங்குலி யோசனை

இந்த நிலையில் தான் முன்னாள் கேப்டன் கங்குலி அதிரடி யோசனை கூறி இருக்கிறார். ரோஹித் சர்மா துவக்க வீரராக இறக்கவும், ரஹானேவை மிடில் ஆர்டரிலேயே ஆட வைத்து அணிக்கு பலம் சேர்க்கலாம் என்றும் கூறி இருக்கிறார்.

ஏன் ரோஹித்?

ஏன் ரோஹித்?

ரோஹித் சர்மா டெஸ்ட் போட்டிகளில் துவக்க வீரராக பார்க்கப்படுவதில்லை. ஆனால், அவரை துவக்க வீரராக ஆட வைக்க வேண்டும் என கங்குலி கூற ஒரு காரணம் உள்ளது. உலகக்கோப்பை தொடரில் ஐந்து சதங்கள் அடித்து இருந்தார் ரோஹித் சர்மா. டெஸ்ட் போட்டிகளிலும் துவக்க வீரராக ஆடினால் அதை அப்படியே அவர் தொடருவார் என கருதுகிறார் கங்குலி.

துவக்க வீரர்கள் யார்?

துவக்க வீரர்கள் யார்?

தற்போது டெஸ்ட் போட்டியில் துவக்க வீரர்களாக இருக்கும் மாயங்க் அகர்வால், ராகுல் இருவரில் ராகுல் நிலை சந்தேகமாகத்தான் உள்ளது. உலகக்கோப்பையில் சிறப்பாக ஆடி இருந்தாலும், பயிற்சிப் போட்டியில் சொதப்பினார். அவரை நீக்கி விட்டுத் தான் ரோஹித்தை அந்த இடத்தில் ஆட வைக்க வேண்டும்.

பெரிய வாய்ப்பு

பெரிய வாய்ப்பு

இந்த நிலையில் கங்குலி கூறியுள்ள யோசனைப்படி ரோஹித் சர்மா துவக்க வீரராக களமிறங்கி ரன் குவித்து நிரூபித்து விட்டால், டி20, ஒருநாள் மற்றும் டெஸ்ட் என மூன்று வித போட்டிகளிலும் அவரே துவக்க வீரராக வலம் வருவார்.

Story first published: Thursday, August 22, 2019, 16:24 [IST]
Other articles published on Aug 22, 2019
English summary
IND vs WI 2019 : Ganguly gave an idea to keep both Rahane and Rohit Sharma in playing XI
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X