இந்தியா vs ஆஸ்திரேலியா டி20 தொடர் தேதி, அட்டவணை.. போட்டி துவங்கும் நேரம் என்ன? இரு அணி பட்டியல்

சிட்னி: ஆஸ்திரேலியாவுக்கு எதிரான மூன்று போட்டிகள் கொண்ட ஒருநாள் தொடரை 2-1 என்ற கணக்கில் இழந்த இந்திய அணி, அடுத்ததாக ஐந்து போட்டிகள் கொண்ட டி20 தொடரில் பலப்பரீட்சை நடத்த உள்ளது. ஒருநாள் தொடரின் தோல்விக்கு பதிலடி கொடுக்கும் முனைப்புடன் சூர்யகுமார் யாதவ் தலைமையிலான இளம் இந்தியப் படை களமிறங்குகிறது.

இந்த டி20 தொடர் அக்டோபர் 29 ஆம் தேதி தொடங்கி நவம்பர் 8 ஆம் தேதி வரை ஆஸ்திரேலியாவின் ஐந்து வெவ்வேறு நகரங்களில் நடைபெறுகிறது. அனைத்து டி20 போட்டிகளும் இந்திய நேரப்படி மதியம் 1:45 மணிக்குத் தொடங்கும் என அறிவிக்கப்பட்டுள்ளது. டாஸ் மதியம் 1:15 மணிக்கு நடைபெறும்.

பும்ராவின் கம்பேக்

இந்த டி20 தொடருக்கு சூர்யகுமார் யாதவே கேப்டனாக தொடர்கிறார். இந்திய அணிக்கு பெரும் பலம் சேர்க்கும் விதமாக, நட்சத்திர வேகப்பந்து வீச்சாளர் ஜஸ்பிரித் பும்ரா அணிக்குத் திரும்பியுள்ளார். ஆசியக் கோப்பையை வென்ற இந்திய அணியில் இடம்பெற்றிருந்த பெரும்பாலான வீரர்கள் இந்தத் தொடரிலும் உள்ளனர். காயத்தில் இருந்து இன்னும் முழுமையாக மீளாத ஆல்-ரவுண்டர் ஹர்திக் பாண்டியா இந்தத் தொடரில் பங்கேற்கவில்லை.

அபிஷேக் சர்மா, திலக் வர்மா, சிவம் துபே, சஞ்சு சாம்சன் போன்ற இளம் அதிரடி வீரர்களுக்கும், சுழற்பந்து வீச்சாளர் வருண் சக்கரவர்த்திக்கும் இந்தத் தொடரில் வாய்ப்பளிக்கப்பட்டுள்ளது.

ஆஸ்திரேலியாவை வழிநடத்தும் மிட்செல் மார்ஷ்

ஆஸ்திரேலிய அணியை மீண்டும் மிட்செல் மார்ஷ் கேப்டனாக வழிநடத்துவார். அந்த அணி, தொடரின் பல்வேறு கட்டங்களுக்கு ஏற்ப வெவ்வேறு வீரர்களை அறிவித்துள்ளது. ஜோஷ் இங்லிஸ், மார்கஸ் ஸ்டோனிஸ், டிம் டேவிட், டிராவிஸ் ஹெட் மற்றும் மேத்யூ ஷார்ட் போன்ற முக்கிய வீரர்கள் ஆஸ்திரேலிய அணிக்கு பலம் சேர்க்கின்றனர்.

இந்தியா vs ஆஸ்திரேலியா டி20 தொடர் - முழு அட்டவணை:

• 1வது டி20: அக்டோபர் 29 - கான்பெரா - மதியம் 1:45 மணி (IST)
• 2வது டி20: அக்டோபர் 31 - மெல்போர்ன் - மதியம் 1:45 மணி (IST)
• 3வது டி20: நவம்பர் 2 - ஹோபார்ட் - மதியம் 1:45 மணி (IST)
• 4வது டி20: நவம்பர் 6 - கோல்ட் கோஸ்ட் - மதியம் 1:45 மணி (IST)
• 5வது டி20: நவம்பர் 8 - காபா, பிரிஸ்பேன் - மதியம் 1:45 மணி (IST)

சுப்மன் கில்லின் சொதப்பல் ஆட்டத்திற்கு ரோஹித் சர்மாவே காரணம்.. முன்னாள் கேப்டன் ஸ்ரீகாந்த் கருத்து

இரு அணி வீரர்கள்:

இந்திய அணி:

சூர்யகுமார் யாதவ் (கேப்டன்), சுப்மன் கில் (துணை கேப்டன்), அபிஷேக் சர்மா, திலக் வர்மா, சிவம் துபே, நிதிஷ் குமார் ரெட்டி, அக்சர் படேல், ஜிதேஷ் சர்மா (விக்கெட் கீப்பர்), வருண் சக்கரவர்த்தி, ஜஸ்பிரித் பும்ரா, அர்ஷ்தீப் சிங், குல்தீப் யாதவ், ஹர்ஷித் ராணா, சஞ்சு சாம்சன் (விக்கெட் கீப்பர்), ரிங்கு சிங், வாஷிங்டன் சுந்தர்.

ஆஸ்திரேலிய அணி:

மிட்செல் மார்ஷ் (கேப்டன்), டிராவிஸ் ஹெட், சீன் அபோட், சேவியர் பார்ட்லெட், டிம் டேவிட், பென் ட்வார்ஷுயிஸ், நாதன் எல்லிஸ், ஜோஷ் ஹேசில்வுட், ஜோஷ் இங்லிஸ் (விக்கெட் கீப்பர்), மேத்யூ குன்னேமன், மிட்செல் ஓவன், மேத்யூ ஷார்ட், மார்கஸ் ஸ்டோனிஸ், ஆடம் ஜாம்பா.