வார்னரின் இன்ஸ்ட சேட்டை
ஆஸ்திரேலிய வீரர் டேவிட் வார்னர், கொரோனா ஊரடங்கின் போது இன்ஸ்டாகிராமில் வெளியிட்டு வந்த டிக்டாக் வீடியோக்களால் பெரும் வரவேற்பை பெற்றார். குறிப்பாக இந்திய பாடல்கள், மற்றும் திரைப்பட காட்சிகளுக்கு டிக் டாக் செய்து இந்தியர்களின் மனதை வென்றார்.
மீண்டும் டிக்டாக்
தற்போது குடும்பத்தினருடன் ஜாலியாக நேரத்தை செலவிட்டு வரும் டேவிட் வார்னர், சமீபத்தில் தனுஷின் ரவுடி பேபி, ராமுலோ ராமுலா போன்ற பாடல்களுக்கு ரீல்ஸ் செய்து வீடியோ வெளியிட்டது வைரலானது. இந்நிலையில் தற்போது மீண்டும் குடும்பத்தினருடன் சேர்ந்து டான்ஸர் அவதாரம் எடுத்துள்ளார்.
வைரல் வீடியோ
அவர் வெளியிட்டுள்ள புதிய வீடியோவில், டேவிட் வார்னரின் மகள் இரண்டு பேர் இணைந்து நடனம் ஆடியுள்ளனர். நடிகர் விஜய்-ன் மாஸ்டர் திரைப்படத்தில் இடம்பெற்ற வாத்தி கம்மிங் என்ற பாடல் டிக்டாக்கில் உலகம் முழுவதும் பிரபலமானது. இந்திய கிரிக்கெட் வீரர்கள் மட்டுமல்லாது, வார்னரும் ஏற்கனவே இந்த பாடலுக்கு டிக்டாக் செய்துள்ளார். தற்போது அவரின் மகள்கள் விஜய் ரசிகர்களைகளாக மாறியுள்ளனர்.
ரசிகர்கள் வாழ்த்து
அந்த பாடலில் நடிகர் விஜய் போடும் அதே டான்ஸ் ஸ்டெப்புகளை போன்றே வார்னரின் மகள்களும் முயற்சி செய்திருக்கும் வீடியோ சமூக வலைதளங்களில் வைரலாகி வருகிறது. இரு குழந்தைகளும் மிக அழகாக நடனம் ஆடுகிறார்கள் வார்னர் என ரசிகர்கள் வாழ்த்துக் கூறி வருகின்றனர்.
மீண்டும் ஐபிஎல்
ஐபிஎல் தொடருக்கு பிறகு டேவிட் வார்னர் நீண்ட ஓய்வில் இருந்து வருகிறார். வெஸ்ட் இண்டீஸ் மற்றும் வங்கதேச அணியுடனான தொடர்களில் ஐபிஎல் தொடரில் பங்குபெற்ற வீரர்கள் 6 முக்கிய வீரர்கள் இந்த தொடர்களில் வாய்ப்பு தரப்படவில்லை. அதில் டேவிட் வார்னரும் ஒருவர். இந்த சூழலில், அவர் ஐபிஎல் தொடரின் 2வது பாதியில் பங்கேற்க விரைவில் அமீரகம் செல்லவுள்ளார். இந்த ஐபிஎல் தொடர்தான் டி20 உலகக்கோப்பையில் அவர் சிறப்பாக விளையாட பயிற்சியாக அமையும்.