அவரை எப்படி ஓரம்கட்டலாம்.. இவ்வளவு ஈகோவா?.. வார்னர் எடுத்த முடிவால் கொதிக்கும் பேன்ஸ்.. பரபரப்பு!

கொல்கத்தா

கொல்கத்தாவிற்கு எதிராக இன்று நடக்கும் போட்டியில் ஹைதராபாத் அணியில் கேன் வில்லியம்சன் இடம்பெறவில்லை. அவருக்கு பதிலாக அப்துல் சமாத் இடம்பெற்றுள்ளார். அதேபோல் இன்னொரு வெளிநாட்டு வீரராக முகமது நபி இடம்பெற்றுள்ளார்.

வில்லியம்சன்

கேன் வில்லியம்சன் கடந்த முறையும் இதேபோல்தான் ஹைதரபாத் அணியால் ஓரம் கட்டப்பட்டார். கடந்த வருடம் தொடக்கத்தில் சில போட்டிகளில் வில்லியம்சனுக்கு வார்னர் வாய்ப்பு கொடுக்கவில்லை. அவருக்கு பதிலாக நபியை வார்னர் அணியில் எடுத்தார்.

புறக்கணிப்பு

வில்லியம்சன் இல்லாமல் ஹைதராபாத் அணி தொடர்ந்து தோல்வி அடைந்தது. அதன்பின் வில்லியம்சன் அணிக்குள் வந்த பின்தான் ஹைதராபாத் அணி வெல்ல தொடங்கியது. இந்த நிலையில் இந்த வருடமும் கேன் வில்லியம்சனை வார்னர் புறக்கணிக்க தொடங்கி உள்ளார்.

மோசம்

நபி அல்லது சமாத்திற்கு பதிலாக வில்லியம்சனை வார்னர் எடுத்து இருக்கலாம். அல்லது பிரைஸ்டோவிற்கு பதிலாக வில்லியம்சனை எடுத்து இருக்கலாம். ஆனால் வார்னர் வேன்றுமென்றே சிறந்த டி 20 வீரரான வில்லியம்சனை ஓரம் காட்டியுள்ளார்.

ஈகோ

வில்லியம்சன் மீது வார்னருக்கு ஈகோ பிரச்சனை. அதனால்தான் அவரை எடுப்பது இல்லை. இது தவறு. அவரை ஹைதராபாத் அணி சரியாக பயன்படுத்துவது இல்லை. அவரை உடனடியாக வேறு அணிக்கு டிரேட் செய்ய வேண்டும் என்று கேன் வில்லியம்சன் ரசிகர்கள் கூறி வருகிறார்கள்.