வார்னருக்கு அடுத்து அவருதான் டார்கெட்.. பார்வையை திருப்பும் ரசிகர்கள்.. பதற்றத்தில் முக்கிய வீரர்!

தொடர் தோல்விகள்

கடந்த சீசனில் சிறப்பான ஆட்டத்தால் ஆடி ப்ளே ஆஃப் வரை சென்ற சன்ரைசர்ஸ் ஐதராபாத் அணிக்கு இந்தாண்டு மிக மோசமாக அமைந்ததுள்ளது. இதுவரை 6 போட்டிகளில் விளையாடியுள்ள அந்த அணி ஒரே ஒரு வெற்றியை மட்டுமே பெற்று புள்ளிப்பட்டியலில் கடைசி இடத்திற்கு தள்ளப்பட்டுள்ளது.

புதிய கேப்டன்

இதனால் இந்த பிரச்னைக்கு முடிவு கட்ட முடிவெடுத்த ஐதராபாத் அணி டேவிட் வார்னரை கேப்டன் பதவியிலிருந்து நீக்கிவிட்டு நியூசிலாந்து வீரர் கேன் வில்லியம்சனை புதிய கேப்டனாக நியமியத்துள்ளது. நாளை நடைபெறும் ராஜஸ்தான் அணிக்கு எதிரான போட்டி முதல் வில்லியம்சனே ஐதராபாத் அணியை வழிநடத்துவார் என்று கூறியுள்ளது.

திடீர் திருப்பம்

இந்நிலையில் ரசிகர்களின் பார்வை தற்போது கொல்கத்தா அணியின் பக்கம் திரும்பியுள்ளது. கொல்கத்தா அணியும் இந்தாண்டு படு சொதப்பலாக விளையாடி வருகிறது. இதுவரை 7 போட்டிகளில் விளையாடியுள்ள அந்த அணி 2 போட்டிகளில் மட்டுமே வெற்றி பெற்றுள்ளது. குறிப்பாக அந்த அணியின் பேட்டிங் வரிசை மிக மோசமாக உள்ளது. பொறுப்பாக ஆட வேண்டிய கேப்டன் மோர்கனே 7 போட்டிகளில் 92 ரன்களே அடித்துள்ளார்.

மோசமான ஆட்டம்

இதனால் மோர்கனை கேப்டன் பதவயில் இருந்து நீக்கிவிட்டு மீண்டும் தினேஷ் கார்த்திக்கை கேப்டனாக நியமிக்க வேண்டும் என்ற கோரிக்கை வலுத்து வருகிறது. கடந்தாண்டு தொடரின் பாதியில் தினேஷ் கார்த்திக்கை நீக்கிவிட்டு மோர்கனை அந்த அணி கேப்டனாக நியமித்தது குறிப்பிடத்தக்கது.