மும்பை அணியின் ப்ளே ஆஃப் வாய்ப்பு ?.. தொடர்ச்சியாக 5 தோல்விகள்.. எனினும் பிசிசிஐ தந்த வாய்ப்பு!

மும்பை அணி பரிதாபம்

பஞ்சாப் கிங்ஸ் அணி நிர்ணயித்த 199 ரன்கள் என்ற இலக்கை நோக்கி சீரான வேகத்தில் மும்பை சென்றுவிட்டது. எனினும் கடைசியில் ஏற்பட்ட 2 ரன் அவுட்களால் 186 ரன்களை மட்டுமே எடுத்து 12 ரன்கள் வித்தியாசத்தில் மோசமாக தோல்வியடைந்தது. ஐபிஎல் வரலாற்றில் தொடர்ந்து 5 போட்டிகளில் தோற்ற முதல் அணியாக மும்பை பெயர் பெற்றுள்ளது.

ப்ளே ஆஃப்

இந்நிலையில் இதன் பிறகும் மும்பை அணிக்கு ப்ளே ஆஃப் செல்வதற்கான வாய்ப்புகள் உள்ளது என்பது தான் ஆச்சரியமான ஒன்று. 5 தோல்விகள் மற்றும் -1.072 என்ற மோசமான ரன்ரேட்டுடன் மும்பை அணி புள்ளிப்பட்டியலில் கடைசி இடத்தில் உள்ளது. அந்த அணிக்கு இன்னும் 9 போட்டிகள் மீதம் உள்ளன.

வாய்ப்புகள் என்ன

2 குரூப்களாக பிரிக்கப்பட்டு, போட்டிகள் நடைபெறுவதால் குறைந்தபட்சம் 8 போட்டிகளில் வெற்றி பெற்றால் ப்ளே ஆஃப் சுற்றுக்கான வாய்ப்பு உள்ளது. அந்த வகையில் மும்பை அணி மீதமுள்ள 9 போட்டிகளில் கண்டிப்பாக 8 வெற்றிகளை பதிவு செய்தே ஆக வேண்டும். ஆனால் அது அவ்வளவு எளிதானது அல்ல.

காரணம் என்ன

இந்த 9 போட்டிகளிலும் 2 முறை சிஎஸ்கேவை சந்திக்கவுள்ளது. இது தவிர மிகவும் பலமானதாக இருக்கும், லக்னோ, ராஜஸ்தான், குஜராத், கொல்கத்தா, டெல்லி ஆகிய அணிகளை எதிர்கொள்ள வேண்டும். எனவே மும்பை அணி இந்தாண்டு ப்ளே ஆஃப் செல்வது கூட சிரமமாக தான் இருக்கும் என்றே எதிர்பார்க்கப்படுகிறது.