IPL 2027 தொடரில் களமிறங்க போகும் பாகிஸ்தான் வீரர் முகமது அமீர்.. எப்படி தெரியுமா?

மும்பை: பாகிஸ்தான் அணியின் இடதுகை வேகப்பந்து வீச்சாளர் முஹம்மது அமீர், பிரிட்டிஷ் குடியுரிமை பெற்றதைத் தொடர்ந்து, இங்கிலாந்து குடிமகனாக ஐபிஎல் 2027 ஏலத்தில் பங்கேற்கப் பதிவு செய்ய வாய்ப்புள்ளதாகத் தகவல்கள் வெளியாகியுள்ளன. 34 வயதான அமீர், பாகிஸ்தான் அணிக்காக 159 சர்வதேச போட்டிகளில் விளையாடியுள்ளார்.

இங்கிலாந்து வழக்கறிஞர் நர்ஜீஸ் கானை திருமணம் செய்துகொண்டதன் மூலம், அமீர் அந்நாட்டின் குடியுரிமையைப் பெற்றார். தேவையான சட்ட நடைமுறைகள், வசிப்பிடத் தகுதிகள் மற்றும் தேர்வுகளை நிறைவு செய்த பிறகு, 2026 மே மாதத்தில் அவர் அதிகாரப்பூர்வமாக பிரிட்டிஷ் குடியுரிமை பெற்றார்.

பிரிட்டிஷ் குடியுரிமை பெற்றதன் மூலம், இங்கிலாந்தின் உள்ளூர் தொடர்களான டி20 பிளாஸ்ட் மற்றும் தி ஹன்ட்ரெட் போட்டிகளில் உள்ளூர் வீரராக அவர் விளையாடி வருகிறார். மேலும், ஆப்கானிஸ்தான் பிரீமியர் லீக் வீரர்களுக்கான ஏலத்திலும் இங்கிலாந்து குடிமகனாகவே அமீர் பதிவு செய்துள்ளார். இதன் காரணமாக, பாகிஸ்தான் சூப்பர் லீக் தொடரில் இனி அவர் வெளிநாட்டு வீரராகவே கருதப்படுவார்.

IND vs NZ: அபிஷேக் சர்மாவை கேப்டனாக நியமனம் செய்யுங்கள்.. தோல்விக்கு பிறகு பிரபல வீரர் கருத்து

2008 ஆம் ஆண்டு மும்பை பயங்கரவாத தாக்குதலுக்குப் பிறகு ஏற்பட்ட அரசியல் மற்றும் வெளியுறவு பதற்றங்கள் காரணமாக, பாகிஸ்தான் வீரர்கள் ஐபிஎல் தொடரில் விளையாடத் தடை விதிக்கப்பட்டது. முதலாவது 2008 சீசனுக்குப் பிறகு பாகிஸ்தான் குடியுரிமை கொண்ட எந்தவொரு வீரரும் ஐபிஎல் தொடரில் பங்கேற்கவில்லை.

இருப்பினும், அமீர் ஏலத்தில் பங்கேற்க பதிவு செய்தாலும், ஏலப் பட்டியலில் அவரது பெயர் இடம்பெறுவது ஐபிஎல் அணிகளின் ஆர்வத்தைப் பொறுத்தே அமையும். ஏதேனும் ஒரு அணி விருப்பம் தெரிவித்தால் மட்டுமே அவர் ஏலத்தில் சேர்க்கப்படுவார்.

Also Read

IND vs NZ: இந்த ஒரு கேட்ச்சால் தான் இந்தியா தோற்றது.. ஃபில்டிங் ரொம்ப மோசம்- இர்பான் பதான்

இதற்கு முன்னதாக, பாகிஸ்தான் முன்னாள் வீரர் அசார் மஹ்மூத், பிரிட்டிஷ் பெண் எப்பா குரேஷியை திருமணம் செய்து பிரிட்டிஷ் குடியுரிமை பெற்றதன் மூலம், 2012 மற்றும் 2015 சீசன்களில் கிங்ஸ் லெவன் பஞ்சாப் மற்றும் கொல்கத்தா நைட் ரைடர்ஸ் அணிகளுக்காக ஐபிஎல் தொடரில் விளையாடினார் என்பது குறிப்பிடத்தக்கது.