SL vs ENG: முத்தரப்பு ஒருநாள் போட்டியில் இலங்கை வரலாற்று சாதனை.. 430 ரன்கள் இலக்கை எட்டி அபாரம்

ராவல்பிண்டி: பாகிஸ்தானில் நடைபெற்று வரும் முத்தரப்பு ஒருநாள் கிரிக்கெட் தொடரின் 3-வது போட்டியில், இங்கிலாந்து அணி நிர்ணயித்த 430 ரன்கள் என்ற இமாலய இலக்கை இலங்கை அணி 8 விக்கெட்டுகளை இழந்து எட்டி வரலாற்று வெற்றி பெற்றுள்ளது.

ராவல்பிண்டியில் நடைபெற்ற இப்போட்டியில் கடைசி ஓவரின் ஐந்தாவது பந்தில் சிக்ஸர் அடித்து ஜனத் லியனாகே இலங்கைக்கு அபார வெற்றியைத் தேடித்தந்தார். ஒருநாள் கிரிக்கெட் வரலாற்றில் இது இரண்டாவது மிகச்சிறந்த வெற்றிகரமான ரன் சேஸிங் ஆகும்.

இப்போட்டியில் முதலில் பேட்டிங் செய்த இங்கிலாந்து அணி, கேப்டன் ஹாரி புரூக்கின் அதிரடியால் 50 ஓவர்களில் 4 விக்கெட் இழப்பிற்கு 429 ரன்கள் குவித்தது. வெறும் 116 பந்துகளில் 202 ரன்கள் விளாசிய ஹாரி புரூக், ஒருநாள் போட்டிகளில் அதிவேக இரட்டை சதம் அடித்த வீரர் என்ற புதிய சாதனையைப் படைத்தார். இங்கிலாந்து தரப்பில் ஜோ ரூட் 69 ரன்களும், வில் ஜேக்ஸ் வெறும் 30 பந்துகளில் 66 ரன்களும் விளாசினர்.

IND vs NZ: நாங்க இந்த தவறை செய்துவிட்டோம்..அடுத்த போட்டியில் சரி செய்யனும்..நியூசி கேப்டன் சாண்ட்னர்

430 ரன்கள் என்ற பிரம்மாண்ட இலக்கை நோக்கி களமிறங்கிய இலங்கை அணிக்கு தொடக்கம் அதிர்ச்சியாக அமைந்தது. கேப்டன் கமிந்து மெண்டிஸ் ரன் ஏதுமின்றி ஆட்டமிழக்க, இலங்கை அணி 24 ரன்களுக்கு 2 விக்கெட்டுகளை இழந்து தவித்தது. அவிஷ்கா பெர்னாண்டோ 97 ரன்கள் மற்றும் பவன் ரத்நாயக்க 130 ரன்கள் விளாச, இந்த ஜோடி 166 ரன்கள் சேர்த்து அணியை வலுவான நிலைக்குக் கொண்டு சென்றது.

தொடர்ந்து களமிறங்கிய தசுன் ஷானகா 97 ரன்கள் குவிக்க, ஜனத் லியனாகே வெறும் 27 பந்துகளில் ஆட்டமிழக்காமல் 61 ரன்கள் விளாசி இலங்கை அணியை வெற்றியை நோக்கி அழைத்துச் சென்றனர். 106 பந்துகளில் 130 ரன்கள் குவித்து அணியின் வெற்றிக்கு வித்திட்ட பவன் ரத்நாயக்க ஆட்டநாயகனாகத் தேர்வு செய்யப்பட்டார்.

Also Read

IND vs NZ: இவ்வளவு நாள் எங்கிருந்த ராசா? 17 ஆண்டுக்கால சாதனையை பேட்டிங்கில் முறியடித்த நமன் தீர்

இலங்கை அணியின் வெற்றிக்கு கடைசி ஓவரில் 8 ரன்கள் தேவைப்பட்டன. ஜோஷ் டங் வீசிய அந்த ஓவரின் இரண்டாவது மற்றும் மூன்றாவது பந்துகளில் துனித் வெல்லாலகே, ஈஷான் மாலிங்கா ஆகிய இருவர் அடுத்தடுத்து ஆட்டமிழந்ததால் ஆட்டத்தில் கடும் பரபரப்பு ஏற்பட்டது. இருப்பினும், ஐந்தாவது பந்தைச் சந்தித்த ஜனத் லியனாகே அதை பிரம்மாண்ட சிக்ஸராக மாற்றி இலங்கை அணிக்கு 2 விக்கெட் வித்தியாசத்தில் வெற்றியை பெற்றுத் தந்தார்.