ரஞ்சி கோப்பை இறுதிப் போட்டிகளில் சாதனை படைத்த சச்சின் டெண்டுல்கர்

ரஞ்சி கோப்பை இறுதிப் போட்டிகள் 5-ல் இதுவரை சச்சின் டெண்டுல்கர் விளையாடி இருக்கிறார். இதில் 4 போட்டிகளில் அவர் பங்கேற்றிருந்த மும்பை அணி வென்றிருக்கிறது. ஒரு போட்டியில்தான் தோல்வியை சந்தித்திருக்கிறது.

ரஞ்சி கோப்பை இறுதிப் போட்டிகளைப் பொறுத்தவரையில் மொத்தம் 755 ரன்களை டெண்டுல்கர் குவித்திருக்கிறார். இதில் 4 செஞ்சுரிகளும் 2 அரை சதமும் அடங்கும்.

கடந்த ரஞ்சி கோப்பை இறுதிப் போட்டியை டெண்டுல்கர் அவ்வளவு எளிதில் மறந்திருக்க முடியாது. முதல் இன்னிங்சில் டக் அவுட் ஆனார்.. 2-வது இன்னிங்சில் 4 ரன்கள்தான் எடுத்திருந்தார். ஆனால் அந்தப் போட்டியில் மும்பை அணி வென்றது.

சச்சின் டெண்டுல்கரும் ரஞ்சிக் கோப்பை இறுதிப் போட்டிகளும் ஒரு பார்வை

19991-ம் ஆண்டு மே 3-7 ந் தேதி வரை ரஞ்சி கோப்பை இறுதிப் போட்டி மும்பை வான்கடே மைதானத்தில் நடைபெற்றது. ஹரியானாவுக்கு எதிரான போட்டியில் சச்சின் 47 மற்றும் 96 ரன்களைக் குவித்திருந்தார். இந்தப் போட்டியில் மும்பை அணி 2 ரன்களில் தோல்வியைத் தழுவியது.

1995-ம் ஆண்டு மார்ச் 27-31-ந் தேதி வரை ரஞ்சி கோப்பை இறுதிப் போட்டி மும்பை வான்கடே மைதானத்தில் நடைபெற்றது. பஞ்சாப் அணிக்கு எதிரான போட்டியில் சச்சின் 140 மற்றும் 139 ரன்களைக் குவித்திருந்தார். இதிலும் மும்பை அணியும் வென்றது.

2000-ம் ஆண்டு ஏப்ரல் 19-23-ந் தேதி வரை மும்பை வான்கடே மைதானத்தில் ஹைதராபாத் அணிக்கு எதிரான போட்டியில் 53,128 ரன்களை எடுத்திருந்தார் சச்சின். இதிலும் மும்பை அணி 297 ரன்கள் வித்தியாசத்தில் வென்றது.

2007-ம் ஆண்டு பிப்ரவரி 2-6 வரை மும்பையில் பெங்கால் அணிக்கு எதிரான போட்டியில் 105 மற்றும் 43 ரன்களைக் குவித்தார் சச்சின். இதில் 132 ரன்கள் வித்தியாசத்தில் மும்பை வெற்றி பெற்றது.

2009-ம் ஆண்டு ஹைதராபாத்தில் நடைபெற்ற போட்டியில் உத்தரப்பிரதேச அணிக்கு எதிரான போட்டியில் முதல் இன்ங்சில் டக் அவுட் ஆனார்.. அடுத்த இன்னிங்சில் 4 ரன்கள்தான் எடுத்தார் சச்சின். ஆனாலும் மும்பை அணி 243 ரன்கள் வித்தியாசத்தில் வென்றது.

பார்ப்போம் இந்த பைனல் மேட்ச் எப்படி இருக்கும் என..?