பரிதாபமாக போன தீபக் சஹாரின் நியூ லுக்.. சுரேஷ் ரெய்னா போட்ட ஒற்றை கமெண்ட்..நெட்டிசன்களுக்கு விருந்து

ஐபிஎல் போட்டி

இந்தாண்டு ஐபிஎல் தொடரில் முதல் சில போட்டிகளில் பெரிய அளவில் விக்கெட் எடுக்கவில்லை என்றாலும் ரன்களை கட்டுப்படுத்தி வந்தார். பின்னர் கடைசி சில போட்டிகளில் சிறப்பாக செயல்பட தொடங்கினார். இதுவரை 7 போட்டிகளில் விளையாடிய அவர் 8 விக்கெட்களை எடுத்துள்ளார். அவரின் சராசரி 8.04 ரன்கள் ஆகும். இதனால் அடுத்து வரவிருக்கும் இலங்கை சுற்றுப்பயணத்தில் தீபக் சஹார் கண்டிப்பாக இடம்பிடிப்பார் என எதிர்பார்க்கப்படுகிறது.

புதிய கெட் அப்

இந்நிலையில் லாக்டவுனால் வீட்டில் இருக்கும் தீபக் சஹார் தனது லுக்கை மாற்றியுள்ளார். அவர் இன்று வெளியிட்டுள்ள புகைப்படத்தில், சற்று உடலை ஏற்றி கருப்பு நிற டி சர்ட் மற்றும் மொட்டை தலை போன்ற கெட்டப்பில் உள்ளார். இதனை பார்த்த ரசிகர்கள் பலரும், சூர்யாவின் கஜினி திரைப்பட லுக்கை போன்றே உள்ளது என கிண்டலடித்து வருகின்றனர்.

ரெய்னாவின் கமெண்ட்

சிஎஸ்கே வீரர் தீபக் சஹார் லாக்டவுனில் தனது நியூ லுக்கின் புகைப்படத்தை சமூக வலைதளங்களில் வெளியிட்டார். இந்நிலையில் சுரேஷ் ரெய்னா அந்த பதிவுக்கு போட்டுள்ள கமெண்ட் ரசிகர்களிடையே வேடிக்கையை ஏற்படுத்தியுள்ளது.

கிண்டலடித்த ரெய்னா

இந்த புகைப்படத்தை ரசிகர்கள் மட்டுமல்லாது சிஎஸ்கே வீரர் சுரேஷ் ரெய்னாவும் கிண்டலடித்து கமெண்ட் செய்துள்ளார். ட்விட்டரில் பதிவிட்டுள்ள ரெய்னா, ஃபேமிலி மேன் தொலைக்காட்சி தொடரின் 3வது பாகத்திற்கு தயாராகின்றாயா எனக்கேட்டு கிண்டல் செய்துள்ளார். ஃபேமிலி மேன் என்பது பிரபல இந்தி தொடராகும். ரெய்னாவின் இந்த கமெண்ட்டை பார்த்த ரசிகர்கள் பலரும் ரீட்வீட் செய்து , சாக்லெட் பாய் போன்று சுற்றி வந்த சஹாரை கஜினியாய் மாறிவிட்டாரே என்று பதிவிட்டு வருகின்றனர்.