'ஒவ்வொரு போட்டியிலும் சிறந்த அணியை வீழ்த்துவதே இலக்கு' - டெல்லி உதவி பயிற்சியாளர் முகமது கைப்

வீரர்கள் உற்சாகம்

இது தொடர்பாக முகமது கைஃப் மேலும் கூறியதாவது:- மும்பை இந்தியன்ஸ் அணிக்கெதிரான போட்டியில் எங்களுக்கு முக்கிய கவனம் பேட்டிங்காக இருக்கும். முதலில் பேட்டிங் செய்தாலும் அல்லது இரண்டாவது பேட்டிங் செய்தாலும், நாங்கள் நன்றாக பேட் செய்ய வேண்டும். மும்பை விளையாடுவதற்கு ஒரு சிறந்த அணி. மும்பை இந்தியன்ஸ் அணிக்கு எதிராக விளையாடுவதில் அனைத்து வீரர்களும் எப்போதுமே உற்சாகமாக உள்ளனர்.

சிறப்பாக செயல்பட்டோம்

இந்த சீசனில் நாங்கள் கூட்டாக சிறப்பாக செயல்பட்டோம். வெவ்வேறு ஆட்டங்கள் மற்றும் சூழ்நிலைகளில் வெவ்வேறு வீரர்கள் முன்னேறி வருகின்றனர். எத்தனையோ மேட்ச் வின்னர்களை நாங்கள் பெற்றிருப்பது அதிர்ஷ்டம், மும்பைக்கு எதிரான போட்டியில் யாராவது அணிக்கு ஆதரவாக நிற்பார்கள். நாங்கள் புள்ளி பட்டியலில் இரண்டாவது இடத்தில் அமர்ந்திருக்கிறோம், ஆனாலும் நாங்கள் கடினமாக உழைக்க வேண்டும்.

சிறந்த அணியை வீழ்த்த வேண்டும்

ஒவ்வொரு போட்டியிலும் சிறந்த அணியை வீழ்த்த வேண்டும். "நாங்கள் சில தரமான இந்திய வீரர்களைக் கொண்டிருப்பது அதிர்ஷ்டமாகும். சர்வதேச கிரிக்கெட்டில் விளையாடும் சில இந்திய வீரர்களைக் கொண்டிருப்பதும் எங்களுக்கு அதிர்ஷ்டமான ஒன்றாகும். ஐ.பி.எல் தொடரில் தவறாமல் சிறப்பாக விளையாடும் ஏழு இந்திய வீரர்கள் இருந்தால், அவர்களின் பங்களிப்பையும், பொறுப்புகளையும் புரிந்து கொண்டால், எந்த அணிக்கும் மிகப்பெரிய நன்மையாகும்.

மிகச் சிறந்த வீரர்கள் யார்?

இந்த ஆண்டு ஷார்ஜாவில் ஆடுகளம் சற்று மெதுவாகவே உள்ளது. இருப்பினும் கடினமான ஆடுகளங்களில் பேட்டிங் செய்யும் சவாலை வீரர்கள் முன்னெடுக்க வேண்டும். மிகச் சிறந்த வீரர்கள் . கடினமான ஆடுகளத்தையும் வென்று விடுவார்கள். இவ்வாறு முகமது கைஃப் தெரிவித்தார்.