WPL 2027: மகளிர் பிரீமியர் லீக் மினி ஏலத்தில் அதிக விலைக்கு சென்ற வீராங்கனைகள் பட்டியல்

கொச்சி: மகளிர் பிரீமியர் லீக் WPL 2027 தொடருக்கான வீரர்கள் ஏலம் கொச்சியில் நடைபெற்றது. வரும் ஜனவரி 14-ஆம் தேதி தொடங்கவுள்ள இந்த லீக் தொடரில் விளையாட உள்ள வீரர்களின் ஏலத்தில், ஆஸ்திரேலிய அணியின் கேப்டனும் ஆல்ரவுண்டருமான சோஃபி மோலினக்ஸ் அதிக விலைக்கு ஏலம் போயுள்ளார். அவரை உபி வாரியர்ஸ் அணி ரூ. 1.10 கோடிக்கு ஒப்பந்தம் செய்துள்ளது.

நடப்பு ஆண்டின் தொடக்கத்தில் ஆஸ்திரேலிய அணிக்கு மகளிர் டி20 உலகக்கோப்பையை வென்று தந்த மோலினக்ஸ், இந்த ஏலத்தில் அதிக தொகைக்கு வாங்கப்பட்ட வீரர் என்ற பெருமையை பெற்றார். ரூ. 50 லட்சம் அடிப்படை விலையைக் கொண்டிருந்த இவர், ஏலத்தில் விற்பனையான மூன்றாவது வீரர் ஆவார்.

ஆஸ்திரேலிய கேப்டன் சோஃபி மோலினக்ஸுக்கு முன்பாக, இந்திய வீராங்கனை கிரண் நவ்கிரேவை டெல்லி கேப்பிட்டல்ஸ் அணி ரூ. 75 லட்சத்திற்கு ஏலம் எடுத்தது. இவரை வாங்க மும்பை இந்தியன்ஸ் அணியும் போட்டி போட்ட நிலையில், டெல்லி கேப்பிட்டல்ஸ் அணி இவரைத் தன் வசப்படுத்தியது.

WPL 2027 ஏலத்தில் சோஃபி மோலினக்ஸ் ரூ.1.10 கோடிக்கு ஏலம் எடுத்தது உபி அணி

கடந்த இரு சீசன்களில் மும்பை இந்தியன்ஸ் அணிக்காக விளையாடிய கமாலினியை, குஜராத் ஜெயண்ட்ஸ் அணி ரூ. 40 லட்சத்திற்கு வாங்கியது. மேலும், 2023 முதல் 2025 வரை டெல்லி கேப்பிட்டல்ஸ் அணியில் இருந்த ஆஸ்திரேலிய ஆல்ரவுண்டர் ஜெஸ் ஜோனாசெனை, இரண்டு முறை சாம்பியனான ராயல் சேலஞ்சர்ஸ் பெங்களூரு அணி ரூ. 40 லட்சத்திற்கு ஒப்பந்தம் செய்தது.

இந்த ஏலத்தில் ஆஸ்திரேலிய ஆல்ரவுண்டர் சோஃபி மோலினக்ஸ் ரூ. 50 லட்சம் அடிப்படை விலையில் தொடங்கி, உபி வாரியர்ஸ் அணியால் அதிகபட்சமாக ரூ. 1.10 கோடிக்கு ஏலம் எடுக்கப்பட்டார். இந்திய பேட்டர் கிரண் நவ்கிரேவை ரூ. 40 லட்சம் அடிப்படை விலையில் இருந்து ரூ. 75 லட்சத்திற்கு டெல்லி கேப்பிட்டல்ஸ் அணி வாங்கியது.

இந்திய பேட்டர் ஜி கமாலினியை ரூ. 40 லட்சத்திற்கு குஜராத் ஜெயண்ட்ஸ் அணியும், ஆஸ்திரேலிய ஆல்ரவுண்டர் ஜெஸ் ஜோனாசெனை ரூ. 40 லட்சத்திற்கு ராயல் சேலஞ்சர்ஸ் பெங்களூரு அணியும் ஒப்பந்தம் செய்தன. இவர்கள் இருவரின் அடிப்படை விலையும் ரூ. 40 லட்சம் ஆகும்.

Also Read

WPL 2027: லேடி வைபவ் சூர்யவன்ஷி.. 15 வயதில் உமா காஷ்வி மகளிர் பிரீமியர் லீக் ஏலத்தில் சாதனை

அயர்லாந்து ஆல்ரவுண்டர் ஆர்லா ப்ரெண்டர்காஸ்ட் ரூ. 30 லட்சத்திற்கு குஜராத் ஜெயண்ட்ஸ் அணியால் வாங்கப்பட்டார். இந்திய ஆல்ரவுண்டர் சினே ராணா, ஆஸ்திரேலிய ஆல்ரவுண்டர் கிரேஸ் ஹாரிஸ் மற்றும் இந்திய விக்கெட் கீப்பர் சுஷ்மா வர்மா ஆகிய மூவரையும் உபி வாரியர்ஸ் அணி தலா ரூ. 30 லட்சம் அடிப்படை விலையில் ஏலம் எடுத்தது.