ஐபிஎல் 2023 -மும்பைக்கு ஆரம்பமே இவ்வளவு சோகமா.. இவ்வளவு சிக்கலை சரி செய்யுமா? இந்த வருசமும் கடைசியா?

பும்ரா காயம்

இந்த நிலையில் பும்ரா தொடரிலிருந்து விலகி இருப்பது அந்த அணிக்கு பெரும் பின்னடைவை ஏற்படுத்தி இருக்கிறது. பும்ரா இல்லாமல் மும்பை எப்படி சமாளிக்க போகிறது என்ற கலக்கத்தில் ரசிகர்கள் இருக்கின்றனர். அடுத்தது மும்பை அணியின் பேட்டிங் பலமாக இருந்த பொலார்ட், ஐபிஎல் தொடரிலிருந்து ஓய்வு பெற்றுள்ளார். psl போன்ற தொடர்களில் செம பார்மில் இருக்கும் பொலார்டை மும்பை அணி ஓய்வு பெறுமாறு வற்புறுத்தியது.

சூர்யகுமார் கோல்டன் டக்

அதை எடுத்து பொலார்ட் நடப்பு தொடரில் பேட்டிங் ஆலோசராக மும்பை அணிக்கு செயல்பட உள்ளார். இதனால் மும்பை அணிக்கு சிக்கல் ஏற்பட்டால் அணியை வந்து காப்பாற்றும் பொறுப்பில் பொலார்ட்க்கு பதில் இன்னும் யாரும் வரவில்லை.மும்பை அணிக்கு பெரும் தலைவலியை ஏற்படுத்தியிருப்பது சூரியகுமார் யாதவ் ஃபார்ம் தான். ஐபிஎல் தொடரில் சூப்பர் ஸ்டார் ஆக சூரிய குமார் யாதவ் விளங்கினார். மும்பை பேட்டிங் வரிசையில் முதுகெலும்பாக இருந்த அவர் தற்போது தொடர்ந்து மூன்று கோல்டன் டக்குகளை சூரிய பெற்றுள்ளதார்.

இஷான் கிஷன் சொதப்பல்

இதேபோன்று மும்பை அணி 15 கோடி ரூபாய்க்கு மேல் கொடுத்து தொடக்க வீரர் இசான் கிஷனை வாங்கி இருக்கிறது.அவரும் இந்த ஆண்டு மோசமாக விளையாடி வருகிறார். ஒட்டுமொத்தமாக சராசரி பத்துக்கு மேல் தான் இந்த ஆண்டில் அவர் வைத்துள்ளார். இதனால் இஷான் கிஷனும் சரியாக விளையாடவில்லை என்றால் மும்பை அணியின் கதி அவ்வளவுதான். மும்பை அணியில் பெரிய பிரச்சினையாக பார்க்கப்படுவது வெளிநாட்டு வீரர்களில் யாருமே அனுபவம் நிறைந்தவர்களாக இல்லை.

அனுபவ வீரர்கள் இல்லை

டிம் டேவிட், டிவால்ட் பிரேவிஸ், ஸ்டப்ஸ் போன்ற வீரர்கள் மும்பை அணியில் இடம் பெற்றிருந்தாலும் அவர்களுக்கு போதிய அனுபவம் இல்லை.

அதுவும் இந்திய ஆடுகளங்களில் எப்படி விளையாட வேண்டும் என்று அவர்களுக்கு இன்னும் தெரிந்திருக்க வாய்ப்பில்லை. அதே போன்று அடுத்த பிரச்சனை பும்ராவுக்கு மாற்றுவீராக யாருமே இந்திய வேகப்பந்து வீச்சாளர்கள் அனுபவம் வாய்ந்தவர்களாக இல்லை. இதனால் அந்த இடத்தில் மும்பை அணிக்கு பெரும் பின்னடைவு ஏற்படும்.

பிரச்சினை தீருமா

அடுத்த பிரச்சனை ஜோப்ரா ஆச்சர் இரண்டு ஆண்டுகள் விளையாடாமல் தற்போது திரும்புகிறார். அவருடைய பந்துவீச்சும் எந்த அளவுக்கு சிறப்பாக இருக்கும் என தெரியவில்லை. கேப்டன் ரோகித் சர்மா பந்துகளை நன்றாக அடித்தாலும் அவரும் பெரிய ஸ்கோர் சமீபத்தில் அடிக்கவில்லை. இந்த பிரச்சனைகளை எல்லாம் மும்பை அணி சரி செய்தால் மட்டுமே அவர்களால் பிளே ஆப் சுற்றுக்கு செல்ல முடியும் என்பது குறிப்பிடத்தக்கது .