IND vs NZ ஒருநாள் தொடர் அட்டவணை விவரம்.. காலை எத்தனை மணிக்கு தொடக்கம்? எந்த சேனல், ஒடிடி? அணி விவரம்

ஆக்லாந்து: நியூசிலாந்துக்கு எதிரான ஐந்து போட்டிகள் கொண்ட டி20 தொடரை 3-2 என்ற கணக்கில் இந்திய அணி கைப்பற்றியதைத் தொடர்ந்து, இரு அணிகளுக்கும் இடையிலான ஐந்து போட்டிகள் கொண்ட ஒருநாள் தொடர் தொடங்கவுள்ளது. இத்தொடரின் முதல் மூன்று போட்டிகளுக்கு சுப்மன் கில் கேப்டனாகச் செயல்படுவார். கடைசி இரண்டு போட்டிகளுக்கு ஸ்ரேயாஸ் ஐயர் தலைமை தாங்குவார். ஸ்ரேயாஸ் ஐயர் ஒருநாள் போட்டிகளில் இந்திய அணியை வழிநடத்துவது இதுவே முதல்முறையாகும்.

மறுபுறம், நியூசிலாந்து அணி மிட்செல் சாண்ட்னர் தலைமையில் களமிறங்குகிறது. காயம் காரணமாக அந்த அணியின் முக்கிய வீரர்களான ரச்சின் ரவீந்திரா மற்றும் மார்க் சாப்மேன் தொடரிலிருந்து விலகியுள்ளனர். அவர்களுக்குப் பதிலாக டிம் சேஃபர்ட் மற்றும் ஹென்றி நிக்கோல்ஸ் அணியில் சேர்க்கப்பட்டுள்ளனர்.

இந்திய அணியில் மூத்த வீரர்களான விராட் கோலி மற்றும் ரோஹித் சர்மா ஆகியோர் ஐந்து போட்டிகளிலும் பங்கேற்கின்றனர். அதேவேளையில், நட்சத்திர வேகப்பந்து வீச்சாளர் ஜஸ்பிரித் பும்ராவிற்கு இத்தொடரில் ஓய்வு அளிக்கப்பட்டுள்ளது.

IPL 2027 தொடரில் களமிறங்க போகும் பாகிஸ்தான் வீரர் முகமது அமீர்.. எப்படி தெரியுமா?

முதல் ஒருநாள் போட்டி நவம்பர் 4 புதன்கிழமை அன்று ஆக்லாந்தில் உள்ள ஈடன் பார்க் மைதானத்தில் நடைபெறுகிறது. இரண்டாவது ஒருநாள் போட்டி நவம்பர் 7 சனிக்கிழமை அன்று வெலிங்டனில் உள்ள ஸ்கை ஸ்டேடியத்திலும், மூன்றாவது ஒருநாள் போட்டி நவம்பர் 10 செவ்வாய்க்கிழமை அன்று ஹேமில்டனில் உள்ள செடான் பார்க் மைதானத்திலும் நடைபெறவுள்ளன.

தொடரின் நான்காவது ஒருநாள் போட்டி நவம்பர் 13 வெள்ளிக்கிழமையும், ஐந்தாவது ஒருநாள் போட்டி நவம்பர் 15 ஞாயிற்றுக்கிழமையும் மவுண்ட் மாங்கனுயியில் உள்ள பே ஓவல் மைதானத்தில் திட்டமிடப்பட்டுள்ளன. இந்த அனைத்து போட்டிகளுமே இந்திய நேரப்படி காலை 7:30 மணிக்குத் தொடங்கும்.

முதல் 3 போட்டிகளுக்கான இந்திய அணி: கேப்டன் சுப்மன் கில், ரோஹித் சர்மா, விராட் கோலி, துணை கேப்டன் ஸ்ரேயாஸ் ஐயர், விக்கெட் கீப்பர் கே.எல். ராகுல், அக்சர் படேல், நமன் தீர், அன்ஷுல் கம்போஜ், குர்னூர் பிரார், ருதுராஜ் கெய்க்வாட், அர்ஷ்தீப் சிங், விக்கெட் கீப்பர் இஷான் கிஷன், முகமது சிராஜ், குல்தீப் யாதவ், முதல் போட்டிக்கு மட்டும் நிதிஷ் குமார் ரெட்டி, ஆகிப் நபி.

கடைசி 2 போட்டிகளுக்கான இந்திய அணி: கேப்டன் ஸ்ரேயாஸ் ஐயர், ரோஹித் சர்மா, விராட் கோலி, திலக் வர்மா, துணை கேப்டன் மற்றும் விக்கெட் கீப்பர் இஷான் கிஷன், அக்சர் படேல், நமன் தீர், ஆகிப் நபி, குர்னூர் பிரார், ருதுராஜ் கெய்க்வாட், அர்ஷ்தீப் சிங், விக்கெட் கீப்பர் குமார் குஷாக்ரா, முகமது சிராஜ், யாஷ் தாக்கூர், குல்தீப் யாதவ்.

முதல் 3 போட்டிகளுக்கான நியூசிலாந்து அணி: கேப்டன் மிட்செல் சாண்ட்னர், மைக்கேல் பிரேஸ்வெல், டெவோன் கான்வே, ஜேக்கப் டஃபி, மேட் ஃபிஷர், மேட் ஹென்றி, கைல் ஜாமிசன், விக்கெட் கீப்பர் டாம் லேதம், டேரில் மிட்செல், ஹென்றி நிக்கோல்ஸ், கிளென் பிலிப்ஸ், டிம் சேஃபர்ட், நாதன் ஸ்மித், வில் யங், பிளேர் டிக்னர்.

கடைசி 2 போட்டிகளுக்கான நியூசிலாந்து அணி: கேப்டன் மிட்செல் சாண்ட்னர், ஃபின் ஆலன், மைக்கேல் பிரேஸ்வெல், கிறிஸ்டியன் கிளார்க், ஜேக்கப் டஃபி, மேட் ஃபிஷர், டீன் ஃபாக்ஸ்கிராஃப்ட், லோக்கி ஃபெர்குசன், விக்கெட் கீப்பர் மிட்செல் ஹே, நிக் கெல்லி, விக்கெட் கீப்பர் டிம் சேஃபர்ட், பிளேர் டிக்னர், வில் யங்.

Also Read

IND vs NZ: இந்த ஒரு கேட்ச்சால் தான் இந்தியா தோற்றது.. ஃபில்டிங் ரொம்ப மோசம்- இர்பான் பதான்

இந்தியா மற்றும் நியூசிலாந்து அணிகளுக்கு இடையிலான ஐந்து போட்டிகள் கொண்ட ஒருநாள் தொடரை இந்தியாவில் சோனி டென் தொலைக்காட்சி சேனல்களில் நேரடியாகக் காணலாம். மேலும், சோனி லிவ் செயலி மற்றும் இணையதளத்திலும் நேரலை செய்யப்படும்.