ஒரு நாள் கிரிக்கெட் தர வரிசை.. பந்துவீச்சில் ஒரே இந்திய வீரர் அஸ்வினுக்கு 10-வது இடம்…

துபாய்: ஐ.சி.சி. ஒரு நாள் போட்டிகளின் தர வரிசை பட்டியலை வெளியிட்டு உள்ளது. இதில் பேட்டிங்கில் விராட் கோலி 4-ம் இடத்தில் உள்ளார். ஷிகர் தவான் 7-ம் இடத்திலும், கேப்டன் தோனி 8-ம் இடத்திலும் உள்ளனர். சுரேஷ் ரெய்னா 2 இடங்கள் முன்னேறி 18-ம் இடத்திற்கு வந்துள்ளார். பேட்டிங் தர வரிசையில் டிவில்லியர்ஸ் 902 புள்ளிகளுடன் முதலிடம் பிடித்துள்ளார்.

அவரை விட 42 புள்ளிகள் குறைவாக உள்ள சங்கக்காரா 2-ம் இடத்தில் உள்ளார். ஹசிம் ஆம்லா, விராட் கோலி, தில்ஷன், வில்லியம்சன், ஷிகர் தவான், தோனி, ராஸ் டெய்லர், கிளென் மேக்ஸ்வெல் டாப் 10 பேட்டிங்கில் இடம் பிடித்துள்ளனர்.

1. 902 - டி.வில்லியர்ஸ்
2. 860 - சங்கக்கரா
3. 828 - ஹசிம் அம்லா
4. 802 - விராட்கோலி
5. 793 - தில்ஷான்
6. 786 - வில்லிய்மசன்
7. 777 - ஷிகர் தவான்
8. 734 - டோணி
9. 732 - டெய்லர்
10. 720 - கிளென் மேக்ஸ்வெல்

பந்து வீச்சு பிரிவில் இந்திய வீரர் அஸ்வின் டாப் 10 ல் அடியெடுத்து வைத்துள்ளார். அஸ்வின் 2 இடங்கள் முன்னேறி 10-ம் இடம் பிடித்துள்ளார். மற்றொரு இந்திய வீரர் முகமது ஷமி 12-ம் இடத்தில் உள்ளார். பவுலிங் தர வரிசையில் மிச்செல் ஸ்டார்க் தொடர்ந்து முதலிடத்தில் உள்ளார்.

1. 783 - ஸ்டார்க்
2. 734 - இம்ரான் தாஹிர்
3. 727 - போல்ட்
4. 717 - ஸ்டெயின்
5. 709 - சுனில் நரின்
6. 693 - ஜான்சன்
7. 682 - சயீத் அஜ்மல்
8. 680 - ஷாஹிப் அல் ஹசன்
9. 666 - மோர்கல்
10. 654 - அஸ்வின்

பந்து வீச்சு வீரர்கள் பட்டியலில் இடம் பெற்றுள்ள ஒரே இந்திய வீரர் அஸ்வின் என்பது குறிப்பிடத்தக்கது.