பும்ரா வேற ஐபிஎல் அணிக்கு மாறப் போகிறாரா? பதறிப் போய் பதில் சொன்ன மும்பை இந்தியன்ஸ்!

தீபாவளி சிறப்பு விருந்து

மும்பை இந்தியன்ஸ் அணியின் உரிமையாளரான அம்பானி குடும்பம் சார்பாக வீரர்கள் மற்றும் பயிற்சியாளர் குழுவிற்கு தீபாவளி சிறப்பு விருந்து அளிக்கப்பட்டது. இந்த விருந்தில் பலரும் கலந்து கொண்டனர்.

பும்ரா எங்கே?

ஹர்திக் பண்டியா, யுவராஜ் சிங், ரோஹித் சர்மா, ஜாகிர் கான், மகிளா ஜெயவர்தனே உள்ளிட்டோர் அந்த விருந்தில் பங்கேற்றனர். ஆனால், அணியின் முக்கிய வீரரான பும்ராவை காணவில்லை.

ரசிகர் வதந்தி

இதைக் கண்ட ஒரு ரசிகர், "பும்ரா எங்கே? அவர் ராயல் சேலஞ்சர்ஸ் பெங்களூர் அணிக்கு மாறப் போகிறார் என நினைக்கிறேன்" என வதந்தி பரப்பி ஒரு கருத்தை கூறி இருந்தார்.

மும்பை இந்தியன்ஸ் பதில்

பெரும்பாலும் ரசிகர்கள் பதிவிற்கு பதில் அளிக்காத மும்பை இந்தியன்ஸ், இதற்கு பதறிப் போய் பதில் அளித்துள்ளது. வார்த்தைகள் எதுவும் கூறாமல், ரோஹித் சர்மா, "அமைதியாக இருங்கள்" என கூறுவது போன்ற "கிப்" பயன்படுத்தி பதில் கூறி இருந்தது. வதந்தி பரவக் கூடாது. அதே சமயம் நச்சென பதில் கூற வேண்டும் என யோசித்து மும்பை இந்தியன்ஸ் போட்டிருந்த பதிவு வரவேற்பை பெற்று வருகிறது.

தேசிய கிரிக்கெட் அகாடமி

பும்ரா தற்போது காயத்தில் இருப்பதால் அதற்காக மருத்துவர்கள் கண்காணிப்பில் இருப்பதாக கூறப்படுகிறது, அவர் தேசிய கிரிக்கெட் அகாடமியின் கண்காணிப்பில் இருக்கலாம் என தெரிகிறது.