மூன்று பிராண்டுகள்
தோனி ரீபோக் பிராண்ட்டின் லோகோவை தான் தன் பேட்டில் அதிகம் பயன்படுத்தி வந்தார். இந்த நிலையில், நடப்பு உலகக்கோப்பை தொடரில் மூன்று பிராண்டுகளின் லோகோவை பயன்படுத்தி வந்தார். இந்தியாவில் நடக்கும் கிரிக்கெட் போட்டிகளுக்கான பந்துகளை தயார் செய்து அளிக்கும் எஸ்ஜி நிறுவனத்தின் லோகோ, மற்றொரு கிரிக்கெட் உபகரண தயாரிப்பு நிறுவனமான பாஸ் (BAS) ஆகியவற்றின் லோகோவையும் தன் பேட்டில் பயன்படுத்தினார்.
ஏன் இப்படி செய்கிறார்?
தோனி திடீரென ஏன் இப்படி செய்கிறார்? ஏன் பிராண்டுகளை ஒரே தொடரில், ஒரே போட்டியில் கூட மாற்றிக் கொண்டே இருக்கிறார் என அவரது ரசிகர்கள் குழம்பினர். இது குறித்த தகவல்கள் தற்போது தெரிய வந்துள்ளது.
நன்றி பாராட்டும் தோனி
தோனி தன் துவக்க காலத்தில் தனக்கு உதவிய கிரிக்கெட் உபகரண நிறுவனங்களின் லோகோவை பணம் பெற்றுக் கொள்ளாமல் உலகக்கோப்பை தொடரில் தன் பேட்டில் பயன்படுத்தி வருகிறார். அவர்களுக்கு நன்றி சொல்லும் விதமாக தோனி இதை செய்து வருகிறார்.
5 கோடி வேண்டாம்
மற்ற முன்னணி கிரிக்கெட் வீரர்கள் ஒரு நிறுவனத்தின் லோகோவை தங்கள் பேட்டில் பயன்படுத்த 5 கோடி வரை வாங்குவதாக கூறப்படுகிறது. ஆனால், தோனி பணம் எதுவும் வாங்கிக் கொள்ளவில்லை.
சிக்கல்
இதுவரை தோனி ஆஸ்திரேலியாவின் ஸ்பார்டன் என்ற நிறுவனத்துடன் விளம்பர ஒப்பந்தத்தில் இருந்தார். அந்த நிறுவனம் தற்போது சிக்கலில் உள்ளது. இந்த இடைவெளியில் தான் தன்னை வளர்த்து விட்ட நிறுவனங்களுக்கு இலவச விளம்பரம் அளித்து வருகிறார் தோனி.