தல தோனிக்கு என்னாச்சு..? டெல்லிக்கு எதிரான போட்டியில் பங்கேற்பதில் சிக்கல்.. ரசிகர்கள் கவலை

வெளியான தகவல்

கடந்த போட்டியில் தோனி மற்றும் ஜடேஜாவுக்கு காய்ச்சல் ஏற்பட்டுள்ளதாக தற்காலிக கேப்டன் சுரேஷ் ரெய்னா கூறினார். இந்நிலையில் தற்போது தோனி மற்றும் ஜடேஜாவின் உடல்நிலை பரிசோதனைக்கு பிறகு முக்கிய தகவல் வெளியாகியுள்ளது.

தோனிக்கு காய்ச்சல்

அதன்படி தோனி இன்னும் காய்ச்சலில் இருந்து விடுபடவில்லை, முதுகு வலியும் நீங்கவில்லை. ஜடேஜா காய்ச்சலில் இருந்து மீண்டு பயிற்சிக்கு திரும்பினார்.

தோனி விளையாடுவாரா?

அதனால் டெல்லி அணிக்கு எதிரான போட்டியில் அவர் பங்கேற்பார் என்று தெரிகிறது. ஆனால், தோனி இன்னும் முழுமையாக குணமாகாததால் அவர் பங்கேற்பது கேள்விக் குறியாகி உள்ளது.

டிக்கெட்டுகள் விற்பனை

அதனால் தோனிக்கு பதிலாக தமிழக வீரர் ஜெகதீசன் அறிமுகமாவார் என்று எதிர்பார்க்கப்படுகிறது. நாளை இரவு 8 மணிக்கு சென்னை சேப்பாக்கம் மைதானத்தில் சென்னை மற்றும் டெல்லி அணிகளுக்கு இடையேயான போட்டி நடைபெற உள்ளது. இந்த போட்டிக்கான டிக்கெட்டுகள் உடனடியாக விற்று தீர்ந்தன என்பது குறிப்பிடத்தக்கது.