இதுக்கு கூடவா அவர் காரணம்?
கோலி பேட்டிங்கில் கில்லியாக இருந்தாலும், கேப்டன் பதவியில் சொதப்புகிறார் என்ற குற்றச்சாட்டு நீண்ட காலமாகவே உள்ளது. டாஸ் வெல்வதிலும் கோலிக்கு சில காலமாக அதிர்ஷ்டம் இல்லை. இங்கிலாந்து டெஸ்ட் தொடரில் தொடர்ந்து டாஸில் தோற்று, தொடர் தோல்வியோடு, அதற்கும் சேர்த்து விமர்சிக்கப்பட்டார். ஆனால், டாஸ் வெல்லாமல் போவதற்கு அவர் எப்படி காரணமாக முடியும் என அவரது ரசிகர்கள் சமாளித்து வந்தனர்.
கோலியின் அரிய சாதனை
அதற்கெல்லாம் சேர்த்து வைத்து இந்தியா வெஸ்ட் இண்டீஸ் ஒருநாள் தொடரில் தொடர்ந்து நான்கு போட்டிகளில் டாஸ் வென்று அசத்தினார். தொடரின் கடைசி போட்டியிலும் அவர் டாஸ் வென்றால், ஒரு தொடரின் ஐந்து போட்டிகளிலும் டாஸ் வென்ற கேப்டன் என்ற அரிய சாதனைப் பட்டியலில் இடம் பிடிப்பார் என கருதப்பட்டது.
வெ.இண்டீஸ் டாஸ் வென்று தவறான முடிவு
ஆனால், அதற்கு மாறாக ஐந்தாவது ஒருநாள் போட்டியில் வெஸ்ட் இண்டீஸ் அணியின் கேப்டன் ஜேசன் ஹோல்டர் டாஸ் வென்று பேட்டிங் தேர்வு செய்தார். அவரது முடிவு மிகவும் தவறு என நிரூபிக்கும் வகையில், வெஸ்ட் இண்டீஸ் அணி 104 ரன்களுக்கு சுருண்டது. அடுத்து ஆடிய இந்தியா 15வது ஓவரிலேயே இலக்கை எட்டி பெரிய வெற்றியை பதிவு செய்தது. இந்தியா வென்றாலும், கேப்டன் கோலி டாஸில் தோல்வி அடைந்தார்.
[டீ குடிச்சுட்டு வர்ற கேப்பில் இந்தியா வெற்றி.. கோலியை ஓரங்கட்டி அரைசதம் அடித்த ரோஹித் ]
டாஸ் வென்ற இந்தியர்கள்
ஒருவேளை கோலி ஐந்தாவது போட்டியில் டாஸ் வென்று இருந்தால், இந்திய மண்ணில் இருதரப்பு கிரிக்கெட் தொடரில் அனைத்து போட்டியிலும் டாஸ் வென்ற கேப்டன் என்ற பெருமையை பெற்று இருக்க முடியும். இந்திய கேப்டன்களில் இதுவரை ஒரு தொடரின் அனைத்து போட்டி டாஸ்களையும் வென்று இருப்பது அசாருதீன், டிராவிட் மற்றும் தோனி ஆவர்.