தோனி போட்ட விதை.. இந்திய வீரர்கள் நேர்த்தியாக சிக்ஸர் அடிப்பது எப்படி?.. பேட்டில் மறைந்துள்ள ரகசியம்

இந்தியாவின் வெற்றிகள்

இந்திய அணியின் வெற்றிகளுக்கு முக்கிய காரணமாக அமைந்தது விராட் கோலி மற்றும் சூர்யகுமார் யாதவ், ஹர்திக் பாண்ட்யா ஆகியோரின் அதிரடி தான். ஆக்ரோஷமான முறையில் தான் பேட்டிங் இருக்கும் என ரோகித் சர்மா கூறியதை போலவே இந்தியாவின் பேட்டிங் இருந்து வருகிறது. இந்நிலையில் இந்தியாவின் இந்த சிறப்பான பேட்டிங்கிற்கு தோனியும் ஒரு முக்கிய காரணம்.

தோனியின் ப்ளான்

இந்திய அணியில் விராட் கோலி, ஹர்திக் பாண்ட்யா, கே.எல்.ராகுல் ஆகியோர் முன்பை விட சிக்ஸர் அடிப்பதில் சிறந்து விளங்குகின்றனர். இதற்கு காரணம் அவர்கள் பயன்படுத்தும் பேட். அதாவது கடந்த 2019ம் ஆண்டு தோனி ஸ்பெஷலாக தயாரித்துக்கொண்ட 'Curved Bat' - ஐ தான் இன்றைய வீரர்கள் பயன்படுத்துகின்றனர். இந்த பேட்டிங் சிறப்பம்சமே அதன் வடிவம் தான்.

காரணம் என்ன

தோனி பயன்படுத்திய அந்த பேட்டில் கடைசி நுனி பகுதியில் நன்கு வளைந்திருக்கும். அப்படி வளைந்திருக்கும் போது பந்தை திருப்பி சிக்ஸருக்கு அடிப்பது மிகவும் சுலபமான ஒன்று. அதாவது நேராக இருக்கும் ஒரு பேட்டை வைத்து சிக்ஸர் அடிப்பதை விட, வளைந்திருக்கும் பேட்டில் சிக்ஸர் அடிப்பது மிகவும் வேகமாகவும் செல்லும், அதே போல நாம் நினைத்த திசைக்கும் சுலபமாக திருப்ப முடியும்.

கோலி சிக்ஸர்

இதில் வெற்றி கண்ட தோனி, பாண்ட்யா, கே.எல்.ராகுல், கோலி உள்ளிட்டோருக்கும் இதனை பயன்படுத்தி பார்க்குமாறு அறிவுரை கூறினார். அதன்படியே அவர்களும் செய்து வருகின்றனர். பாகிஸ்தான் போட்டியில் விராட் கோலி ஷார்ட்டாக வந்த பந்தை சிக்ஸருக்கு அடித்ததும் இதுபோன்ற பேட்டில் தான்.