தோல்விக்கு காரணம்
இந்த போட்டியில் 4 விக்கெட்டுகளை அவர் வீழ்த்தினார். இங்கிலாந்தின் தோல்விக்கு இதுவே முக்கிய காரணம். ஏன் என்றால், முதலில் ஆடிய ஆஸ்திரேலியா, பின்ச்சின் சதம், வார்னரின் அரை சதம் மற்றும் ஸ்மித், கேரியின் அதிரடியான பேட்டிங் என 285 ரன்கள் குவித்தது. ஒரு கட்டத்தில் 330 ரன்களை எட்டும் என்று எதிர்பார்க்கப்பட்டது. ஆனால், இங்கிலாந்தின் பவுலிங் அதை மட்டுப்படுத்தியது.
ஸ்டோக்ஸ் அபாரம்
286 ரன்கள் என்ற இலக்குடன் களமிறங்கிய இங்கிலாந்தில், தொடக்க வீரர் வின்ஸ் 2வது பந்திலேயே வீழ்ந்தார். அதன்பின்னர் 2 முக்கியமான வீரர்களான ஜோ ரூட் மற்றும் இயன் மார்கன் ஆகிய இருவரையும் ஸ்டார்க் வீழ்த்தினார். ஒரு முனையில் விக்கெட்டுகள் சரிய, மறுமுனையில் அபாரமாக ஆடிக் கொண்டிருந்தார் பென் ஸ்டோக்ஸ்.
கடைசி பந்து
அப்போது ஸ்டார்க்கிற்கு மீண்டும் பந்துவீச வாய்ப்பு தந்தார் பின்ச். அதுதான் ஆஸி.யின் வெற்றிக்கு காரணமாக இருக்கும் என்று யாருக்கும் தெரியாது. 37வது ஓவரை வீசிய ஸ்டார்க், அந்த ஓவரின் கடைசி பந்தில் ஸ்டோக்ஸை வீழ்த்தினார்.
துல்லிய யார்க்கர்
ஸ்டார்க் வீசிய துல்லியமான யார்க்கர்... கிளீன் போல்டானார் ஸ்டோக்ஸ். அதை எதிர் பார்க்காமல் கையில் இருந்த மட்டையையும் தவறவிட்டு, ஒரு கணம் ஆடிப்போய் களத்தில் நின்றார் ஸ்டோக்ஸ். ஏன் என்றால் அப்படி வந்தது அந்த பந்து. மிக, மிக துல்லியமாக வீசப்பட்டது அந்த இன் ஸ்விங் யார்க்கர்.
|
பெஸ்ட் யார்க்கர்
ஸ்டோக்ஸ் மட்டுமல்லாமல் உலகத் தரம் வாய்ந்த எந்த பேட்ஸ்மேனாக இருந்தாலுமே ஆட முடியாது என்று சொல்லலாம். ஸ்டோக்ஸின் விக்கெட்டுதான் ஆட்டத்தின் திருப்புமுனை. அந்த துல்லியமான யார்க்கர் இந்த உலக கோப்பையின் மிகச்சிறந்த யார்க்கர் என்றால் ரொம்ப பொருத்தமாக இருக்கும்.