Click it and Unblock the Notifications
அட்டவணை வெளியீடு
இந்நிலையில் அதற்கான அட்டவணையை தற்போது பிசிசிஐ வெளியிட்டுள்ளது. அதன்படி இந்திய அணி அடுத்ததாக இலங்கையுடன் மோதவுள்ளது. இந்தியாவுக்கு வரும் இலங்கை அணி 3 டி20 போட்டிகள் மற்றும் 3 ஒருநாள் போட்டிகள் கொண்ட தொடர்களில் மோதவுள்ளது. இதில் டி20 தொடர் ஜனவர் 3, 5, 7ம் தேதிகளிலும், ஒருநாள் கிரிக்கெட் போட்டிகள் ஜனவரி 10, 12, 15ம் தேதிகளில் நடைபெறவுள்ளது.
நியூசிலாந்துடனான தொடர்
இதனை தொடர்ந்து நியூசிலாந்துடன் பலப்பரீட்சை நடத்தவுள்ளது. இரு அணிகளுக்கும் இடையே 3 ஒருநாள் போட்டிகள் மற்றும் 3 டி20 போட்டிகள் கொண்ட தொடர் நடைபெறுகிறது. ஒருநாள் போட்டிகள் ஜனவரி 18, 21, 24ம் தேதிகளிலும், டி20 தொடர் ஜனவரி 27, 29, ஃபிப்ரவரி 1ம் தேதிகளில் நடைபெறவிருக்கிறது. இதில் சுவாரஸ்யம் என்னவென்றால் ராஜ்பூரில் முதல்முறையாக சர்வதேச போட்டிகள் நடைபெறவிருப்பது தான்.
ஆஸ்திரேலிய டெஸ்ட் தொடர்
இதன் பின்னர் ஆஸ்திரேலிய அணி இந்தியாவுக்கு வரவுள்ளது. 5 ஆண்டுகளுக்கு பிறகு இரு அணிகளும் இந்திய மண்ணில் டெஸ்ட் தொடரில் மோதவுள்ளன. கடைசியாக கடந்த 2017ம் ஆண்டு நடந்த 3 போட்டிகள் கொண்ட டெஸ்ட் தொடரில் 1 - 2 என இந்தியா வெற்றி கண்டது. இதன்பின்னர் தற்போது தான் இரு அணிகளும் மோதுகின்றன. 4 போட்டிகள் கொண்ட டெஸ்ட் தொடராக இது இருக்கும்.
உலகக்கோப்பை திட்டங்கள்
2023ம் ஆண்டு 50 ஓவர் உலகக்கோப்பை கிரிக்கெட் தொடர் இந்தியாவில் தான் நடைபெறவுள்ளது. இது நவம்பர் அல்லது அக்டோபர் மாதங்களில் நடைபெறும் என எதிர்பார்க்கப்படுகிறது. இந்த தொடர்களை பயன்படுத்தி, சொந்த மண்ணிலாவது கோப்பையை வெல்லுமா என ரசிகர்கள் ஆவலுடன் எதிர்பார்த்து காத்துள்ளனர்.
Continue with Google