அடேயப்பா...! தல தோனி ஐபிஎல்லில் இப்படி ஒரு சாதனையை படைச்சிருக்காரா?... சூப்பர்

சாதனை பட்டியல்

ஐபிஎல் தொடரில் இதுவரை அதிக சிக்சர்கள் அடித்த டாப் 5 இந்திய வீரர்களின் பட்டியல் இதோ: ராஜஸ்தான் ராயல்ஸ், கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் போன்ற அணிகளுக்கு ஆடியுள்ள யூசுப் பதான் 172 போட்டிகளில் 158 சிக்சர்கள் அடித்து இந்த பட்டியலில் 5வது இடத்தில் உள்ளார். சன் ரைசர்ஸ் ஹைதராபாத் அணிக்காக 2018ம் ஆண்டிலிருந்து ஆடி வருகிறார்.

கோலியின் 186 சிக்ஸர்கள்

ராயல் சேலஞ்சர்ஸ் பெங்களூர் அணியின் கேப்டன் பொறுப்பில் இருந்து வரும் விராட் கோலி இதுவரை 173 ஐபிஎல் போட்டிகளில் ஆடியுள்ளார். கேப்டன் பொறுப்பில் பெங்களூர் அணிக்காக 5000 ரன்களுக்கு மேல் குவித்து உள்ளார். விராட் கோலி ஐபிஎல் தொடரில் 186 சிக்சர்களுடன் பட்டியலில் 4வது இடத்தில் நீடிக்கிறார்.

3வது இடத்தில் ரெய்னா

சென்னை அணிக்காக தொடர்ந்து பல ஆண்டுகளாக சிறப்பாக ஆடிவருபவர் சின்ன தல சுரேஷ் ரெய்னா. ஐபிஎல் தொடரில் 5000 ரன்கள் அடித்த முதல் வீரர் என்ற பெருமையை பெற்றார். இதுவரை 185 போட்டிகளில் 190 சிக்ஸர்கள் அடித்து இந்த பட்டியலில் 3வது இடத்தில் உள்ளார்

190 சிக்சர்கள்

மும்பை இந்தியன்ஸ் அணியின் கேப்டனாக இருந்து வரும் ரோகித் சர்மா, மும்பை அணிக்காக 3 முறை ஐபிஎல் கோப்பையை வென்று கொடுத்துள்ளார். இதுவரை 182 ஐபிஎல் போட்டிகளில் 190 சிக்சர்கள் அடித்து இந்த பட்டியலில் 2ம் இடத்தில் உள்ளார்.