மிரட்டல் பந்துவீச்சு
ஆஸ்திரேலிய அணியை பொறுத்த வரை அந்த அணியின் பேட்டிங் வரிசை அசுர பலமாக உள்ளது. பின்ச், வார்னர் கூட்டணி அதிரடி துவக்கம் அளிக்கலாம். கவாஜா, ஸ்டாய்னிஸ், மேக்ஸ்வெல், ஸ்மித் முதல் கூல்டர் நைல் வரை பேட்டிங் எதிரணிக்கு சிம்ம சொப்பனமாக திகழ்கிறது. இவர்களை விரைவாக வெளியேற்ற இந்திய பவுலர்கள் முயற்சிக்க வேண்டும். பவுலிங்கை பொறுத்த வரையில் ஸ்டார்க், கம்மின்ஸ், கூல்டர் நைல் கூட்டணி மீண்டும் மிரட்டலாம்.
வரலாறு சொல்வது என்ன?
சர்வதேச ஒருநாள் அரங்கில் இந்தியா, ஆஸ்திரேலிய அணிகள் இதுவரை 136 ஒருநாள் போட்டிகளில் மோதியுள்ளது. இதில் இந்திய அணி 49 முறையும், ஆஸ்திரேலியா அணி 77 முறையும் வெற்றி பெற்றுள்ளது. 10 போட்டிகளுக்கு முடிவு எட்டப்படவில்லை.
ஓவலில் கடைசி போட்டி
உலக கோப்பை வரலாற்றில் ஓவல் மைதானத்தில் இந்தியா, ஆஸ்திரேலிய அணிகள் 1999ல் கடைசியாக மோதியது. இதில் ஆஸ்திரேலிய அணி 77 ரன்கள் வித்தியாசத்தில் வென்றது. அந்த போட்டியை அவ்வளவு எளிதாக யாரும் மறந்துவிட முடியாது. ஏன் என்றால் அந்த போட்டியில் சச்சின் டக் அவுட். தொடக்க வீரர்கள் சொதப்ப. மானம் காத்தார் ஜடேஜா. 100 ரன்கள் எடுத்து அவர் ஆட்டமிழக்காமல் இருந்தார்.
வெற்றி, தோல்விகள்
அதற்கு பதிலடியாக, 2011ம் ஆண்டு உலக கோப்பையில், காலிறுதியில் ஆஸ்திரேலியாவை இந்தியாவை காலி செய்து... சாம்பியன் பட்டத்தையும் தட்டி தூக்கியது. உலக கோப்பை அரங்கில் இரு அணிகளும் 11 போட்டியில் மோதின. அதில் இந்தியா 3ல் வெற்றி பெற்றிருக்கிறது. ஆஸ்திரேலியா 8ல் வென்றுள்ளது. 1999ம் ஆண்டு தோல்விக்கு இந்திய அணி இன்றைய போட்டியில் பதிலடி கொடுக்கும் என்று ரசிகர்கள் காத்திருக்கின்றனர்.