வெளிப்படையான அராஜகம்
நீதிமன்றம், இந்த பதவிகளை அவர்கள் அடைந்தது மற்றும் அதை தங்கள் சுயலாபத்துக்கு பயன்படுத்தியதை பற்றி கடுமையான குற்றச்சாட்டுகளை கூறியுள்ளது. குற்றம் சாட்டப்பட்ட இருவரும், நிர்வாகத்தில் வெளிப்படையான அராஜகத்தில் ஈடுபட்டுள்ளனர் என்றும், கண்டிப்பாக பின்பற்ற வேண்டிய விஷயங்களை, குற்றம் என தெரிந்தும் தவிர்த்துள்ளனர் என கூறியுள்ளது டெல்லி உயர்நீதிமன்றம்.
கபடி அமைப்பா? இல்லை குடும்ப நிறுவனமா?
மேலும், கபடி விளையாட்டை வழிநடத்தி செல்ல நாட்டில் ஆளே இல்லை என்பது போல, அதை தங்கள் குடும்ப நிறுவனம் போல பயன்படுத்தி இருக்கிறார்கள். தேசிய விளையாட்டு வளர்ச்சி சட்டத் தொகுப்பில் இல்லாத ஒரு பதவியான "வாழ்நாள் தலைவர்" என்ற பதவியை கபடி கூட்டமைப்பில் ஏற்படுத்த, அதன் விதிகளில் சட்டத்திற்கு புறம்பாக மாற்றம் செய்யப்பட்டுள்ளது என சாடியுள்ளது நீதிமன்றம்.
இரகசியமாகவும், மறைமுகமாகவும்
அடுத்து, முன்னாள் தலைவரின் மனைவியை தலைவர் பதிவுக்கு நிறுத்த இரகசியமாகவும், மறைமுகமாகவும் செயல்பட்ட விதம் குறித்து தன் ஆச்சரியத்தை வெளிப்படுத்தியுள்ளது நீதிமன்றம். அவர் தனது கபடி கூட்டமைப்பில் பெற்ற பொருளாதார ரீதியிலான பலன்களை சமர்ப்பிக்கவும் உத்தரவு பிறப்பிக்கபட்டுள்ளது.
ஆறு மாதத்தில் தேர்தல்
இன்னும் ஆறு மாதங்களில் தேர்தல் நடத்தி அடுத்த தலைவரை தேர்ந்தெடுக்கும் வரை, தற்போது நியமிக்கப்பட்டுள்ள தற்காலிக நிர்வாகி கபடி கூட்டமைப்பை வழிநடத்துவார் என கூறியுள்ளது, டெல்லி உயர்நீதிமன்றம்.