எச்சூஸ்மி.. ராத்திரி விளையாடலாமா.. பெடரர் வைத்த "ரெக்வஸ்ட்"!

ஜோகோவிக் டென்ஷன்

நோவாக் ஜோகோவிக்கும் கூட இந்த வெயில் குறித்து டென்ஷன் காட்டியுள்ளார். அவருக்கும், மான்பில்ஸுக்கும் இடையிலான போட்டியின்போது கிட்டத்தட்ட 40 டிகிரி செல்சியஸ் வெயில் வெளுத்தது. போட்டி முழுவதும் தான் மிகவும் அவதிப்பட்டு விட்டதாக கூறினார் ஜோகோவிக்.

10 டிகிரி கம்மிண்ணே

ஆனால் பெடரர், ஸ்டிரப் இடையிலான போட்டியின்போது வெயில் சற்று தணிந்து 30 டிகிரி செல்சியஸாக இருந்தது. இதனால் சற்று பதட்டமின்றி ஆடினார் பெடரர். இப்போட்டியில் அவர் 6-4, 6-4, 7-6 (7-4) என்ற செட் கணக்கில் பெடரர் வெற்றி பெற்றார். முதல் இரு செட்களில் எளிமையாக வென்ற அவருக்கு, 3வது செட்டில் ஸ்டிரப் சற்று ஆட்டம் காட்டினார்.

ராத்திரிதான் பெஸ்ட்

போட்டிக்குப் பின்னர் பெடரர் கூறுகையில், இரவு நேரம்தான் இதுபோன்ற போட்டிகளுக்கு சரியாக இருக்கும். நான் கூட கோரிக்கை வைத்தேன், பகலில் வேண்டாமே என்று. இருந்தாலும் திட்டமிட்டபடியே விளையாடினேன். நான் மட்டுமல்ல பலரும் கூட இரவுப் போட்டிகளை விரும்புகிறார்கள்.

எல்லாத்துக்கும் ரெடிதான்

பகலிலேயேதான் ஆட வேண்டும் என்றாலும் அதை நான் நிராகரிக்க மாட்டேன். உயரத்துக்குப் போக வேண்டும் என்றால் எல்லா சூழலுக்கும் நாம் பக்குவப்பட வேண்டும். எனவே எந்த சூழலிலும் ஆடும் திறமையும், பக்குவமும் எனக்கு உள்ளது என்றார் பெடரர். 3வது சுற்றில் பெடரர், ரிச்சர்ட் கேஸ்கட்டை சந்திக்கிறார்.