இந்திய பேட்மிண்டன் லீக்: சாய்னா நேவால் ரூ.72 லட்சத்துக்கு ஏலம்

மலேசிய வீரர்

மும்பை மாஸ்டர்ஸ் அணிக்கு மலேசிய வீரர் லீ சாங் ஒய் அதிகபட்சமாக 80 லட்சம் ரூபாய்க்கு ஏலத்தில் எடுக்கப்பட்டுள்ளார்.

சாய்னா நேவால்

உலக தரவரிசையில் 3வது இடத்தில் உள்ள வீராங்கனை சாய்னா நேவால் ரூ.72 லட்சத்துக்கு ஏலம் போய் உள்ளார். அவரை ஹைதராபாத் ஹாட்ஷாட்ஸ் அணி வாங்கியுள்ளது.

பெங்களூர் அணி

இதேபோல், ஆடவர் பிரிவில் பெங்களூர் அணிக்கு கஷ்யப் 44 லட்சம் ரூபாய்க்கு ஏலத்தில் எடுக்கப்பட்டுள்ளார்.

ஜுவாலா கட்டா

கவர்ச்சி புயல் ஜுவாலா கட்டா, பி.வி.சிந்து, அஸ்வினி பொன்னப்பா ஆகியோரும் ஏலத்தில் எடுக்கப்பட்டுள்ளனர். இவர்கள் அனைவரின் அடிப்படை விலை ரூ.29½ லட்சம் என்பது குறிப்பிடத்தக்கது.

ஆகஸ்ட் 14ல் தொடக்கம்

இந்திய பேட்மிண்டன் சம்மேளனம் சார்பில் நடைபெறும் இந்த போட்டி ஆகஸ்ட் 14 ஆம் தேதி முதல் 31ஆம் தேதி வரை இந்தியாவில் 6 நகரங்களில் நடைபெறுகிறது.

சுனில் கவாஸ்கர், நாகர்ஜுனா

இந்தியன் பேட்மிடன் லீக் போட்டிகளில் இடம் பெறும் அணிகளின் தலைவர்களாக விளையாட்டு வீரர்கள், நடிகர், தொழிலதிபர்கள் இடம் பெற்றுள்ளனர். நடிகர் நாகர்ஜுனா, முன்னாள் கிரிக்கெட் வீரர் சுனில் கவாஸ்கர், சகாரா குழுமம் முறையே ஒவ்வொரு அணியை வாங்கியுள்ளனர்.