டோணி, ஜடேஜாவைப் பார்த்து என்ன வார்த்தை பேசியிருக்கிறார் இந்த ஆண்டர்சன்!

By Sutha

Updated: Tuesday, January 23, 2018, 9:52 [IST]

லண்டன்: இங்கிலாந்து வீரர் ஜேம்ஸ் ஆண்டர்சன் இந்திய கேப்டன் டோணி, ரவீந்திர ஜடேஜா ஆகியோரைப் பார்த்து ஆபாசமாகப் பேசியது குறித்த விவரங்கள் தற்போது வெளியாகியுள்ளன.

மேலும் டோணி, ஆண்டர்சன் இடையிலான சின்ன வாக்குவாதம் குறித்த விவரமும் தெரிய வந்துள்ளது. இந்தியப் பத்திரிகையாளர் ஒருவருக்கு இந்தத் தகவல்கள் கிடைத்துள்ளதாம்.

இங்கிலாந்தின் தி மிர்ரர் பத்திரிகை இதுகுறித்து செய்தி வெளியிட்டுள்ளது. இதன் மூலம் ஜடேஜாவை மட்டுமல்லாமல் கேப்டன் டோணியையும் கூட ஆண்டர்சன் ஆணவத்தோடும், வாய்த் திமிரோடும் திட்டி, அவமதித்தது தெரிய வந்துள்ளது.

நாட்டிங்காம் டெஸ்ட்

இந்தியா, இங்கிலாந்து இடையிலான நாட்டிங்காமில் நடந்த முதல் டெஸ்ட் போட்டியின்போது ஜடேஜா மற்றும் ஆண்டர்சன் இடையே மோதல் ஏற்பட்டது.

ஜடேஜாவுக்குத் தண்டனை.. ஆண்டர்சனுக்கு எதுவுமில்லை

இந்த விவகாரத்தில் முதலில் ஜடேஜாவுக்கு போட்டிக் கட்டணத்தில் 50 சதவீதம் அபராதமாக விதிக்கப்பட்டது. பின்னர் நடந்த விசாரணையில் ஆண்டர்சன் மீதான புகார்கள் கைவிடப்பட்டு, அவர் விடுவிக்கப்பட்டார். அதேபோல ஜடேஜா மீதான புகாரும் கைவிடப்பட்டது.

கடும் அதிருப்தி

ஜடேஜா மீதான முதல் நடவடிக்கை மற்றும் ஆண்டர்சன் விடுவிக்கப்பட்டது இந்திய அணியை கடும் கோபத்திலும் அதிருப்தியும் ஆழ்த்தியது. டோணி இதை பகிரங்கிமாகவே விமர்சித்திருந்தார்.

ஆபாசப் பேச்சு

இந்த நிலையில், ஜடேஜாவை மட்டுமல்லாமல் டோணியையும் கூட ஆண்டர்சன் அவமதித்தது தற்போது தெரிய வந்துள்ளது. இருவரையும் அவர் ஆபாச வார்த்தைகளால் திட்டியுள்ளதும் உறுதியாகியுள்ளது. இந்த விவரத்தை மிர்ரர் வெளியிட்டுள்ளது.

"எஃப்..எஃப்".. கேப்டன்

டோணியை f***ing fat c***' என்று கூறியுள்ளார் ஆண்டர்சன் என்று மிர்ரர் செய்தி கூறுகிறது.

நசுக்கிப்புடுவாங்கப்பா

டோணியும் பதிலுக்கு ஆண்டர்சனை விமர்சித்துள்ளார். ஆனால் அவர் ஆபாசமாக பேசவில்லை. மாறாக, இந்திய அணியினர் டிரஸ்ஸிங் ரூம் பக்கம் மட்டும் வந்து விடாதீர்கள். சும்மா விட மாட்டார்கள், நசுக்கி விடுவார்கள் என்று அவர் கூறியுள்ளார்.