மறக்க முடியுமா 2005 டெஸ்ட் போட்டியை... ரிப்பீட் செய்தது இங்கிலாந்து!

2005 டெஸ்ட் போட்டி

இந்த நிலையில், இதே எட்பாஸ்டன் மைதானத்தில் 2005ல் நடந்த இங்கிலாந்து, ஆஸ்திரேலியாவுக்கு இடையேயான பரபரப்பான டெஸ்ட் போட்டியை சுலபமாக மறக்க முடியாது. அந்த டெஸ்டில் முதலில் விளையாடிய இங்கிலாந்து 407 ரன்கள் எடுத்தது. அதைத் தொடர்ந்து ஆஸ்திரேலியா முதல் இன்னிங்ஸில் 308 ரன்கள் எடுத்தது. இங்கிலாந்து 2வது இன்னிங்ஸில் 182 ரன்களுக்கு சுருண்டது.

வெற்றியை நெருங்கிய ஆஸி

282 ரன்கள் எடுத்தால் வெற்றி என்ற நிலையில் ஆஸ்திரேலியா விளையாடியது. முதல் நிலை வீரர்கள் சொற்ப ரன்களே எடுத்த நிலையில் கடைசி கட்டத்தில் ஷேன் வார்னே 42, காஸ்ப்ரோவிச் 20 ரன்கள் எடுத்தனர். பிரெட் லீ ஆட்டமிழக்காமல் 43 ரன்கள் எடுத்தார்.

2 ரன்களில் வெற்றி

பரபரப்பாக ஆட்டம் சென்று கொண்டிருந்த நிலையில், 279 ரன்களுக்கு ஆஸ்திரேலியா ஆல் அவுட்டானது. இதனால், 2 ரன்கள் வித்தியாசத்தில் இங்கிலாந்து வென்றது.

இந்தியாவுக்கு சாதகம்

தற்போது நடந்த டெஸ்ட் போட்டியில் 194 இலக்குடன் விளையாடிய இந்திய அணி, 162 ரன்களுக்கு ஆட்டமிழந்தது. முதல் இன்னிங்ஸில் 149 ரன்கள் அடித்த கேப்டன் விராட் கோஹ்லி இரண்டாவது இன்னிங்ஸில் 51 ரன்கள் எடுத்து போராடினார். கடைசி கட்டத்தில் பாண்டயா கைகொடுத்தார். ஆனால் இங்கிலாந்து பந்துவீச்சுக்கு முன் இந்திய பேட்டிங் வரிசை எடுபடவில்லை. இதனால் 31 ரன்கள் வித்தியாசத்தில் இந்தியா தோல்வியடைந்தது. வெற்றிக்கான வாய்ப்பு அதிகம் இருந்தும், இந்திய பேட்டிங் சரிவால், அது கை நழுவி போனது.