சுரீந்தர் - மொஹிந்தர்
இந்திய அணிக்காக விளையாடிய முதல் சகோதர வீரர்கள் சுரீந்தர் அமர்நாத் மற்றும் மொஹிந்தர் அமர்நாத் ஆவார்கள். இவர்கள் முன்னாள் வீரர் லாலா அமர்நாத்தின் புதல்வர்கள். சுரீந்தர் ஒரு இடது கை பேட்ஸ்மேன் ஆவா ர்.இவர் இந்திய அணிக்காக 10 டெஸ்ட் போட்டிகள் மற்றும் 3 ஒருநாள் போட்டிகளில் மட்டுமே விளையாடியுள்ளார்.
மொஹிந்தரின் சிறப்பு
இவரது சகோதரர் மொஹிந்தர் அமர்நாத் 69 டெஸ்ட் போட்டிகளிலும் 85 ஒருநாள் போட்டிகளிலும் ஆடியுள்ளார். இவர் டெஸ்ட் போட்டிகளில் 11 சதங்களும், ஒருநாள் போட்டிகளில் 2 சதங்களும் அடித்துள்ளார். மேலும் இந்தியா முதல் முறையாக உலகக்கோப்பையை (1983) வென்ற அணியில் இடம்பிடித்தவர். சுனில் கவாஸ்கர் தனது புத்தகத்தில் இவரை "சிறந்த பேட்ஸ்மேன்" என்று குறிப்பிட்டுள்ளார்.
இர்பான் - யூசுப் பதான்
இந்திய அணிக்காக பங்குபெற்ற இரண்டாவது சகோதர வீரர்கள் இர்பான் பதான் மற்றும் யூசுப் பதான் ஆவார்கள். இவர்கள் இருவருமே சிறந்த ஆல்ரவுண்டர்கள் என்பது சிறப்பு. மூத்தவரான யூசுப் பதன் 2007ஆம் ஆண்டு தனது சர்வதேச கிரிக்கெட் வாழ்க்கையை துவக்கினார்.
சிறப்பான ஆல் ரவுண்டர்
இவர் ஒரு அதிரடி ஆட்டக்காரர். ஒருநாள் மற்றும் 20 ஓவர் போட்டிகளில் 100+ ஸ்ட்ரைக் ரேட் வைத்துள்ளவர். இவர் 33 விக்கெட்களை வீழ்த்தியுள்ளார். மேலும் 2011 ஆம் ஆண்டு உலகக்கோப்பையை வென்ற இந்திய அணியில் இடம் பிடித்தவர். இளையவரான இர்பான் பதான் 2003ஆம் ஆண்டே அணியில் இடம்பிடித்தார்.
பாக்.கைக் கலக்கிய இர்பான்
இந்திய அணிக்காக 29 டெஸ்ட் போட்டிகளிலும் 120 ஒருநாள் போட்டிகளிலும் ஆடியுள்ளார் இர்பான். டெஸ்ட் போட்டிகளில் 100 விக்கெட்களை வீழ்த்தி சதம் அடித்த வீரர்களில் இவரும் ஒருவர். இவர் 2006 ஆம் ஆண்டு பாகிஸ்தான் அணிக்கெதிராக ஹாட்ட்ரிக் விக்கெட்களை வீழ்த்தியது குறிப்பிடத்தக்கது.