பட்டியல்
தற்போது உள்ள புள்ளி பட்டியலின் அடிப்படையில், ஆஸ்திரேலியா அணி 6 போட்டியில் 5 போட்டியில் வென்று முதல் இடத்தில் இருக்கிறது. நியூசிலாந்து 5 போட்டியில் 4ல் வென்று இரண்டாம் இடத்தில் உள்ளது. இங்கிலாந்து ஆறு போட்டியில் 4ல் வென்று மூன்றாம் இடத்தில் இருக்கிறது. இந்தியா 4 போட்டியில் 3ல் வென்று 4ம் இடத்தில் இருக்கிறது.
தோல்வி அடிப்படை
ஆனால் இங்கிலாந்து அணிதான் டாப் ஆர்டரில் 4 போட்டிகளில் தோல்வி அடைந்த அணி ஆகும். ஆஸ்திரேலியா ஒரு போட்டியில் தோல்வி அடைந்துள்ளது. இந்தியா, நியூசிலாந்து இரண்டு அணிகளும் ஒரு போட்டியில் கூட தோல்வி அடையவில்லை. இந்த நிலையில் இங்கிலாந்து அணிக்கு செமி பைனல் வாய்ப்பு குறைவதற்கு வாய்ப்பு இருக்கிறது என்று கூறுகிறார்கள்.
எப்படி குறையும்
இங்கிலாந்து அணி அடுத்து வரும் லீக் ஆட்டங்களில் ஆஸ்திரேலியா, இந்தியா மற்றும் நியூசிலாந்து அணிகளை சந்திக்க இருக்கிறது. இந்த மூன்று அணிகளும் இங்கிலாந்து அணிக்கு சிம்ம சொப்பனம் என்பது கிரிக்கெட் தெரிந்தவர்களுக்கு கண்டிப்பாக தெரியும். ஆம் உலகக் கோப்பையில் இந்த மூன்று அணிகளும் இங்கிலாந்தை அடித்து ஓடவிட்ட வரலாறு இருக்கிறது.
எத்தனை வருஷம்
அதன்படி கடந்த 27 வருடமாக, அதாவது 6 உலகக் கோப்பை போட்டியில் ஒரு முறை கூட இங்கிலாந்து அணி ஆஸ்திரேலியா, இந்தியா மற்றும் நியூசிலாந்து அணிகளை வென்றது கிடையாது. எவ்வளவு நல்ல வாய்ப்பு கிடைத்தும் கூட, ஆஸ்திரேலியா, இந்தியா மற்றும் நியூசிலாந்து அணிகளை இங்கிலாந்து உலகக் கோப்பையில் வீழ்த்தியது இல்லை.
மீண்டும் நடக்கும்
இந்த நிலையில் ஆஸ்திரேலியா, இந்தியா மற்றும் நியூசிலாந்து அணிகளை மீண்டும் வரிசையாக இங்கிலாந்து எதிர்கொள்ள இருக்கிறது. இதனால் மீண்டும் இந்த அணிகளிடம் இங்கிலாந்து தோல்வி அடைய போகிறதா என்ற கேள்வி எழுந்துள்ளது. ஆஸ்திரேலியா, இந்தியா மற்றும் நியூசிலாந்து அணிகள் மிகவும் வலுவாக இருப்பது வேறு குறிப்பிடத்தக்கது .
மோசம்
இந்த மூன்று அணிகளிடம் வரிசையாக இங்கிலாந்து தோல்வி அடைந்தால், புள்ளி பட்டியலில் பெரும்பாலும் 8 அல்லது 7வது இடத்திற்கு செல்லும். ஐந்து தோல்விகளுடன் இங்கிலாந்து அணி செமி பைனல் வாய்ப்பை கூட இழக்கும். அதற்கு பதிலாக பெரும்பாலும் வங்கதேசம் அணி செமி பைனலுக்கு வர வாய்ப்பு இருக்கிறது என்று கூறுகிறார்கள்.