இந்தியா அசத்தல்
முதல் டி20யில் படுதோல்வி அடைந்த இந்தியா இரண்டாவது டி20 போட்டியில் அணியில் எந்த மாற்றமும் செய்யாமல் களம் இறங்கியது. டாஸ் வென்று நியூசிலாந்து பேட்டிங் தேர்வு செய்தது. முதல் போட்டி போல அல்லாமல், இந்த முறை இந்தியா துவக்கம் முதலே விக்கெட்களை அள்ளியது.
க்ருனால் 2 விக்கெட்கள்
6வது ஓவரை வீசிய க்ருனால் பண்டியா இரண்டு விக்கெட்களை எடுத்து அசத்தினார். அவரின் இரண்டாவது விக்கெட் தான் சர்ச்சைக்கு உள்ளாகி இருக்கிறது. க்ருனால் வீசிய அந்த ஓவரின் கடைசி பந்தை மிட்செல் சந்தித்தார்.
அம்பயர் அவுட் கொடுத்தார்
பந்து காலில் பட்டது போல தெரியவே, இந்திய வீரர்கள் எல்.பி.டபுள்யூ கேட்டனர். கள அம்பயர் அவுட் கொடுத்தார். இதையடுத்து மிட்செல், எதிரில் நின்று கொண்டிருந்த கேப்டன் கேன் வில்லியம்சனிடம் கேட்டு விட்டு ரிவ்யூவுக்கு சென்றார்.
இது சரியா?
மூன்றாவது அம்பயர் செய்த ரிவ்யூ தொலைக்காட்சியில் ஒளிபரப்பானது. அதில் ஹாட்ஸ்பாட் தொழில்நுட்பத்தில் பந்து, பேட்டில் படுவது தெரிந்தது. எனினும், பந்து ஸ்டம்ப்பில் படுகிறது என்பதை மட்டும் உறுதி செய்த மூன்றாவது அம்பயர், அவுட் கொடுத்து விட்டார்.
முறையிட்ட கேப்டன்
மிட்செல் அவுட் தான் என நடையை கட்ட ஆரம்பித்தார். இதை கண்ட கேப்டன் கேன் வில்லியம்சன் அம்பயரிடம் இது அவுட் இல்லை, பந்து பேட்டில் பட்டது என முறையிட்டார். மிட்செல் களத்தை விட்டு வெளியேறாமல் நின்றார்.
தோனி பேசினார்
இந்த சம்பவங்களால், களத்தில் சிறிது பரபரப்பு ஏற்பட்டது. இதன் பின் தோனி, வில்லியம்சனிடமும், அம்பயரிடமும் சென்று பேசவே, இது விக்கெட் தான் என முடிவு செய்யப்பட்டு மிட்செல் வெளியேறினார். எனினும், இந்த விக்கெட் விவாதத்துக்கு உள்ளாகியுள்ளது.
ஹாட்ஸ்பாட் சர்ச்சை
சிலர் ஹாட்ஸ்பாட் முறை நம்பகத்தன்மை வாய்ந்தது அல்ல என கூறி வருகின்றனர். ஒரு சிலர் பந்து, பேட்டில் பட்டது என அனைவருக்கும் தெரிந்தும் கள அம்பயர் அவுட் கொடுத்துவிட்டால் வெளியேற வேண்டும் என கூறுவது சரியில்லை.