12 ஆண்டு சாதனையை முறியடிச்சீங்க... ஆனா 34 ஆண்டுகால சாதனையை கோட்டை விட்டீங்களே..?

2007ம் ஆண்டு சாதனை

உலக கோப்பை தொடரில் கேப்டனாக இருந்து அதிக ரன் சேர்த்தவர்களில் முதலிடத்தை இலங்கை முன்னாள் கேப்டன் ஜெயவர்த்தனா பெற்றிருந்தார். ஜெயவர்த்தனா 2007ம் ஆண்டு உலக கோப்பையில் மொத்தம் 548 ரன்கள் குவித்தார்.

12 ஆண்டுகாலம்

அந்த சாதனையை வில்லியம்சன், இங்கிலாந்துக்கு எதிரான உலக கோப்பை பைனலில் 550 ரன்கள் சேர்த்து 12 ஆண்டுகள் சாதனையை முறியடித்துள்ளார். இந்த உலகக் கோப்பைத் தொடரில் வில்லியம்சன் 2 சதங்கள், 2 அரைசதங்கள் உள்ளிட்ட 550 ரன்கள் சேர்த்து 4வது இடத்தில் இருக்கிறார்.

முதலிடம் பிடித்தார்

உலக கோப்பையில் கேப்டனாக இருந்து அதிக ரன்கள் சேர்த்தவர்கள் வரிசையில் தற்போது வில்லியம்சன் முதலிடத்திலும், ஜெயவர்த்தனா 2-வது இடத்திலும், ரிக்கி பாண்டிங் 539, 3ம் இடத்திலும், ஆரோன் பின்ச் 509, 4-வது இடத்திலும், டிவில்லியர்ஸ் 482 ரன்களுடன் 5வது இடத்திலும் உள்ளனர்.

12 ரன்கள் சாதனை

இந்த தொடரை 578 ரன்களுடன் முடித்திருக்கிறார் வில்லியம்சன். இங்கிலாந்து அணிக்கு எதிரான உலக கோப்பை பைனலில், 34 ஆண்டு கால சாதனையை சமன் செய்யும் வாய்ப்பை வெறும் 12 ரன்னில் தவறவிட்டார் வில்லியம்சன்.

3வது இடம் பிடித்தார்

எப்படி என்றால், ஒருநாள் கிரிக்கெட் அரங்கில் ஒரே தொடரில் அதிக ரன்கள் அடித்த கேப்டன்களில் வில்லியம்சன் 3வது இடம் பிடித்து உள்ளார். இந்த பட்டியலில் ஆஸ்திரேலியாவின் சாப்பல் (686 ரன்கள்) ஆலன் பார்டர் (590 ரன்கள்) ஆகியோர் முதல் இரண்டு இடத்தில் உள்ளனர். வெறும் 12 ரன்கள் கூடுதலாக எடுத்திருந்தால் ஆலன் பார்டரின் சாதனையை முறியடித்து இருப்பார்.