பயிற்சி செய்தால் புட்டுக்கும்
அனைத்து வீரர்களும் பயிற்சி செய்தால் தங்கள் திறமை வளரும் என சொல்வார்கள். ஆனால், அதற்கு மாறாக ஜாதவ் தான் பயிற்சி செய்தால் தனக்கு தெரிந்த சுழல் பந்துவீச்சும் சரியாக வராமல் போய் விடும் என்பதால் ஒன்று இரண்டு ஓவர்கள் மட்டுமே பயிற்சியின் போது வீசுவேன் என கூறியுள்ளார்.
எப்படி விக்கெட் வீழ்த்துகிறார்?
அதிக பயிற்சி இல்லாத நிலையில், ஜாதவ் விக்கெட் வீழ்த்துவது எப்படி என்ற கேள்விக்கு பதில் அளித்த அவர் சரியான இடத்தில் பந்துவீசுவது தான் விக்கெட் வீழ்த்த காரணம் என கூறியுள்ளார்.
உடற்தகுதியில் எப்படி?
கடந்த ஏப்ரல் மாதத்தில் செய்து கொண்ட அறுவை சிகிச்சைக்கு பின் அவரது உடற்தகுதி முன்னேறி இருப்பதாக கூறுகிறார். அதற்கு காரணம், அந்த அறுவைசிகிச்சை முடிந்த பின் மேற்கொண்ட உடற்பயிற்சிகள் தான் என தெரிவித்தார்.
ஜாதவ் பற்றி சொன்ன சர்ப்ராஸ்
நேற்றைய பாகிஸ்தான் போட்டியில் தோற்ற பின் பேசிய பாகிஸ்தான் கேப்டன் சர்ப்ராஸ், "நாங்கள் இரண்டு சுழல் பந்துவீச்சாளர்கள் இருப்பார்கள் என தயாராக இருந்தோம். ஆனால், மூன்றாவதாக ஒரு சுழல் பந்துவீச்சாளர் வந்து விக்கெட்களை எடுத்து விட்டார்" என ஜாதவ் பற்றி குறிப்பிட்டார். ஜாதவ் தான் நேற்றைய போட்டியில் முக்கிய திருப்பு முனை என்று பாகிஸ்தான் கேப்டனே கூறியுள்ளார்.