தோனியின் கார் மோகம்
எம்.எஸ்.தோனி ராஞ்சியில் உள்ள தனது வீட்டில் கார்கள் மற்றும் பைக்குகளுக்கு என தனியாக பெரிய குடோனையே உருவாக்கி வைத்துள்ளார். இதில் 1969 ஃபோர்டு முஷ்டாங், ரோல்ஸ் ராய்ஸ் சில்வர் ஷாடோ, ஹம்மர் ஹெச் 2 உள்ளிட்ட பல தனித்துவமான கார்கள் வரிசைக்கட்டி நிற்கின்றன. இந்நிலையில் இதில் புதுவரவு ஒன்று வந்துள்ளது.
புது கார்
கியா நிறுவனத்தின் EV 6 என்ற சொகுசு காரை தோனி புதிதாக வாங்கியுள்ளார். அந்நிறுவனம் தயாரித்த முதல் மின்சார கார் இந்த மாடல் தான் ஆகும். இதுவரை இந்தியாவில் 200 கார்களை மட்டுமே விற்றுள்ளது. ஏனெண்றால் அந்த அளவிற்கு இந்த காரின் விலை இருக்கிறது. இந்திய மதிப்புப்படி ரூ. 59.95 லட்சத்திற்கு இந்த காரானது விற்கப்படுகிறது.
ஜாலியான பயணம்
அதிக தொகை கொடுத்த காரை வாங்கிய எம்.எஸ்.தோனி, அதனை தனது சிஎஸ்கே அணி நண்பர்களான ருதுராஜ் கெயிக்வாட், கேதர் ஜாதவ் ஆகியோரை அமரவைத்து நகரத்தை வலம் வந்துள்ளார். கிரே கலர் காரை அவர் ஸ்டைலாக ஓட்டிய வீடியோக்கள் இணையத்தை கலக்கி வருகிறது.
ஓய்வு
2023ம் ஆண்டு ஐபிஎல் தொடர் தான் எம்.எஸ்.தோனி விளையாடவுள்ள கடைசி சீசன் எனக்கூறப்படுகிறது. 41 வயதாகும் அவர் சென்னையில் தான் தனது கடைசி போட்டியை விளையாடுவேன் எனக்கூறியிருந்தார். அதன்படி இந்தாண்டு ஹோம் மைதானத்தில் போட்டிகள் நடைபெறும் என்பதால் தோனி ஓய்வை அறிவிப்பார் என எதிர்பார்க்கப்படுகிறது.