ரமிஸ் ராஜா விளக்கம்
பிட்ச் குறித்து பாகிஸ்தான் கிரிக்கெட் சங்க தலைவர் ரமிஸ் ராஜா கூறுகையில், 5 நாட்களுக்கான பிட்ச்சை தயார் செய்வதில் பாகிஸ்தான் இன்னும் பின் தங்கியே இருக்கிறது என்று விளக்கம் அளித்தார். இதனைத் தொடர்ந்து இன்று இங்கிலாந்து அணி குறைந்தது 300 ரன்களை அடிக்கும் என்று ரசிகர்கள் எதிர்பார்த்தனர். ஆனால் இங்கிலாந்து அணியின் கேப்டன் ஸ்டோக்ஸ் 41 ரன்களிலும், லிவிங்ஸ்டன் 9 ரன்களிலும், ஹாரி ப்ரூக்ஸ் 153 ரன்களிலும் ஆட்டமிழந்தனர்.
இங்கிலாந்து ஆல் அவுட்
தொடர்ந்து வந்த பின்வரிசை வீரர்களில் ராபின்சன் மட்டும் 37 ரன்கள் எடுத்து ஆட்டமிழக்க, இறுதியாக இங்கிலாந்து அணி 101 ஓவர்களில் 657 ரன்களுக்கு ஆல் அவுட்டாகியது. நேற்று அபார ஆட்டத்தை வெளிப்படுத்திய இங்கிலாந்து அணி பேட்ஸ்மேன்களை, இன்று பாகிஸ்தான் பந்துவீச்சாளர்கள் விரைந்து விக்கெட் வீழ்த்தினர். இருந்தும் இங்கிலாந்து அணியின் ரன்ரேட் 6 ரன்களுக்கு மேலாகவே உள்ளது.
பாக். வீரர் ஜாஹித் மஹ்மூத்
குறிப்பாக பாகிஸ்தான் சுழற்பந்துவீச்சாளரும், அறிமுக வீரருமான ஜாஹித் மஹ்மூத், மோசமான சாதனை ஒன்றை படைத்துள்ளார். அறிமுக டெஸ்ட் போட்டியின் முதல் இன்னிங்ஸிலேயே அதிக ரன்களை விட்டுக்கொடுத்துள்ளார். 33 ஓவர்களை வீசிய ஜாஹித் மஹ்மூத் 235 ரன்களை கொடுத்துள்ளார். ஜாஹித் மஹ்மூத் வீசிய ஒரு ஓவரில் 27 ரன்களை இங்கிலாந்து அணி அடித்தது.
மோசமான சாதனை
இங்கிலாந்து ரன்கள் ஏராளமான ரன்கள் விளாசியும், பாகிஸ்தான் அணியின் கேப்டன் பாபர் அசாம் ஜாஹித் மஹ்மூத்-க்கே தொடர்ந்து ஓவர் வழங்கினார். ஆனால் இறுதியாக 4 விக்கெட்டுகளை ஜாஹித் மஹ்மூத் வீழ்த்தினார். இவருக்கு முன்னதாக இலங்கை அணி சுராஜ் ரந்தீவ் அறிமுக டெஸ்டின் ஒரே இன்னிங்ஸில் 22 ரன்கள் கொடுத்ததே சாதனையாக இருந்தது குறிப்பிடத்தக்கது.