ஐபிஎல் போட்டிகளில் யார், யாரெல்லாம் ஆரஞ்சு தொப்பி வென்றார்கள்? #IPLTurns10

கோஹ்லி(ஆர்சிபி, 2016)

கடந்த சீசனில் பெங்களூர் அணிக்காக விளையாடிய விராட் கோஹ்லி 4 சென்ச்சுரிகள் அடித்தார். கடந்த சீசனில் அவர் 973 ரன்கள் எடுத்து ஆரஞ்சு தொப்பியை வென்றார். இருப்பதிலேயே கோஹ்லி தான் அதிகபட்சமாக 973 ரன்கள் எடுத்து தொப்பியை பெற்றார்.

வார்னர் (எஸ்ஆர்ஹெச், 2015)

2015ம் ஆண்டில் டேவிட் வார்னர் 14 போட்டிகளில் 562 ரன்கள் எடுத்து ஆரஞ்சு தொப்பியை பெற்றார். சன்ரைசர்ஸ் ஹைதராபாத் அணியின் கேப்டனான வார்னரின் ஸ்டிரைக் ரேட் 156 ஆக இருந்தது.

ராபின் உத்தப்பா(கேகேஆர் 2014)

2014ம் ஆண்டில் 16 போட்டிகளில் 660 ரன்கள் எடுத்த கொல்கத்தா நைட்ரைடர்ஸ் அணியின் ராபின் உத்தப்பாவுக்கு ஆரஞ்சு தொப்பி கிடைத்தது.

மைக்கேல் ஹஸி(சிஎஸ்கே, 2013)

2013ம் ஆண்டில் சென்னை சூப்பர் கிங்ஸ் அணிக்காக விளையாடிய மைக்கேல் ஹஸி 17 போட்டிகளில் 733 ரன்கள் எடுத்து ஆரஞ்சு தொப்பியை வென்றார்.

கிறிஸ் கெய்ல்(ஆர்சிபி, 2012)

2012ம் ஆண்டு ராயல் சேலஞ்சர்ஸ் பெங்களூர் அணி வீரர் கிறிஸ் கெய்ல் தொடர்ந்து இரண்டாவது முறையாக ஆரஞ்சு தொப்பியை வென்றார். அவர் 15 போட்டிகளில் 733 ரன்கள் எடுத்தார்.

கெய்ல்

கிறிஸ் கெய்ல் முதல் முறையாக 2011ம் ஆண்டு ஆரஞ்சு தொப்பியை பெற்றார். 2011ல் ராயல் சேலஞ்சர்ஸ் அணிக்கு முதல் முறையாக விளையாடத் துவங்கிய அவர் 608 ரன்கள் எடுத்தார்.

சச்சின் டெண்டுல்கர் (எம்ஐ, 2010)

ஆரஞ்சு தொப்பி பெற்ற முதல் இந்திய வீரர் சச்சின் டெண்டுல்கர். மும்பை இந்தியன்ஸ் அணிக்காக விளையாடிய அவர் 2010ம் ஆண்டில் 15 போட்டிகளில் 618 ரன்கள் எடுத்து தொப்பியை கைப்பற்றினார்.

மேத்யூ ஹேடன்(சிஎஸ்கே, 2009)

ஆஸ்திரேலியாவை சேர்ந்த மேத்யூ ஹேடன் 2009ம் ஆண்டில் சென்னை சூப்பர் கிங்ஸ் அணிக்காக ஆடியபோது ஆரஞ்சு தொப்பியை பெற்றார். அவர் 12 போட்டிகளில் 572 ரன்கள் எடுத்தார்.

ஷான் மார்ஷ்(கிங்ஸ் XI பஞ்சாப், 2008)

ஐபிஎல் போட்டிகள் துவங்கப்பட்ட 2008ம் ஆண்டில் பஞ்சாப் அணியின் ஷான் மார்ஷ் 11 போட்டிகளில் 616 ரன்கள் எடுத்து ஆரஞ்சு தொப்பியை பெற்றார்.