கேஎல் ராகுல் திருமணம் - பரிசுகளை அள்ளிக் கொட்டிய தோனி, கோலி.. விலையை கேட்டா "ஆடி" போய்டுவீங்க

திருமணம்

இந்த நிலையில் கே எல் ராகுலுக்கு அவருடைய நீண்ட நாள் காதலி ஆன நடிகர் சுனில் செட்டியின் மகள் ஆதியா செட்டியுடன் திருமணம் நடைபெற்றது. கடந்த ஜனவரி 23ஆம் தேதி காந்தாளாவில் உள்ள சுனிலின் பண்ணை வீட்டில் இந்த திருமணம் நடைபெற்றது. இதில் கே எல் ராகுல் மற்றும் அதியா செட்டியின் குடும்ப உறுப்பினர்கள் மற்றும் நண்பர்கள் மட்டுமே கலந்து கொண்டனர். திருமணத்திற்காக நியூசிலாந்து தொடரில் கே எல் ராகுல் விளையாடவில்லை.

பரிசுப் பொருட்கள்

எனினும் ஆஸ்திரேலியாவுக்கு எதிரான முக்கிய தொடர் இருப்பதால் கே எல் ராகுல் வரும் பிப்ரவரி இரண்டாம் தேதி இந்திய அணிக்கு திரும்பி பயிற்சியை மேற்கொள்ள உள்ளார். இதன் காரணமாக கே எல் ராகுல் திருமண வரவேற்பு விழா ஐபிஎல் தொடர் முடிந்த பிறகு தான் நடைபெறும் என்று தெரிவிக்கப்பட்டுள்ளது. இந்த நிலையில் கே எல் ராகுல் திருமண நிகழ்ச்சியில் நேரில் பங்கேற்க முடியாவிட்டாலும் பல பிரபலங்கள் கோடி ரூபாய் மதிப்பிலான பரிசுப் பொருட்களை வழங்கி வாழ்த்தி இருக்கிறார்கள்.

கோலியின் மெகா பரிசு

குறிப்பாக கே எல் ராகுலின் நெருங்கிய நண்பராக கருதப்படும் விராட் கோலி, கே.எல். ராகுல் தம்பதிக்கு 2 கோடியே 17 லட்சம் ரூபாய் மதிப்பிலான பிஎம்டபிள்யூ சொகுசு காரை பரிசாக வழங்கி இருப்பதாக தகவல்கள் வெளியாகி உள்ளது. ராயல் சேலஞ்சர்ஸ் பெங்களூர் அணிக்காக இருவரும் விளையாடிய போது அவர்களுக்கிடையே நட்பு ஏற்பட்டது. இருவரும் சகோதரர்கள் போல் பழகிக் கொண்டதால் கே எல் ராகுல் திருமணத்திற்கு பெரிய பரிசை விராட் கோலி வழங்கியிருக்கிறார்.

தோனியின் பரிசு

இதேபோன்று இந்திய அணியின் முன்னாள் கேப்டனும் சிஎஸ்கே அணியின் கேப்டனுமான மகேந்திர சிங் தோனி கே எல் ராகுலுக்கு 80 லட்சம் ரூபாய் மதிப்பில் கவாஸ்கி நிஞ்சா பைக்கை பரிசாக வழங்கியிருக்கிறார் என தெரிகிறது. தோனியை போல் ராகுலும் ஒரு பைக் பிரியர் என்பதால் அவருக்கு அவருடைய விருப்பப்படியே இந்த விலைமதிப்புள்ள பைக்கை தோனி பரிசாக வழங்கி இருப்பதாக தகவல்கள் வெளியாகி உள்ளன. இதே போன்று பாலிவுட் நடிகர் சுனில் செட்டியின் நெருங்கிய நண்பரான நடிகர் சல்மான் கான் கே எல் ராகுல் தம்பதிகளுக்கு ஒரு கோடியே 64 லட்சம் ரூபாய் மதிப்பில் ஆடி காரை பரிசாக வழங்கியிருக்கிறார் என்று கூறப்படுகிறது.