5.7 கோடி ரூபாய்.. காதலிக்காக காசை வாரி இறைத்த பிரபல கால்பந்து வீரர்.. வாயை பிளந்த ரசிகர்கள்!

முன்னணி கால்பந்து வீரர்

கிறிஸ்டியானோ ரொனால்டோ உலகின் முன்னணி கால்பந்து வீரர். அவருக்கு இருக்கும் ரசிகர் பட்டாளமும் அதிகம். விளம்பரம் மூலம் மட்டுமே கோடிக்கணக்கில் சம்பாதித்து வருகிறார் ரொனால்டோ. தனக்கென சொந்த பிராண்டு கூட வைத்துள்ளார்.

நீண்ட நாள் காதல்

அவர் நீண்ட காலமாக ஜார்ஜினா ரோட்ரிகஸ் என்பவரை காதலித்து வந்தார். அவர் ரொனால்டோ ரஷ்யாவில் நடந்த உலகக்கோப்பை தொடரில் ஆடிய போது போட்டிகளில் அவருக்கு உற்சாகம் அளித்து வந்தது, அவர் குழந்தைகளை பார்த்துக் கொண்டது என அவருடனே வலம் வருகிறார்.

விலை என்ன?

இந்த நிலையில், தன் காதலியை திருமணம் செய்ய முடிவு செய்த ரொனால்டோ அவருக்கு விலை உயர்ந்த மோதிரத்தை பரிசளித்துள்ளார். அதன் விலை 6,15,000 பவுண்டுகள். இந்திய மதிப்பில் சுமார் 5.78 கோடி ஆகும். அதைக் கண்டு தான் ரசிகர்கள் வியப்பில் ஆழ்ந்துள்ளனர்.

ஜார்ஜினா ரோட்ரிகஸ் அறிவிப்பு

ஜார்ஜினா ரோட்ரிகஸ் தன் இன்ஸ்டாகிராம் பக்கத்தில் ரொனால்டோ மோதிரம் அணிவித்ததை அறிவித்துள்ளார். எராளமான ரசிகர்கள் தங்கள் ஹீரோ கிறிஸ்டியானோ ரொனால்டோவின் புதிய வாழ்க்கை சிறப்பாக அமைய வாழ்த்து கூறி வருகின்றனர்.

யுவென்டஸ் அணி

ரொனால்டோ சமீபத்தில் தான் ஆடி வரும் யுவென்டஸ் அணியில் இருந்து விலகி வேறு அணிக்கு மாற உள்ளதாக பரபரப்பாக பேசப்பட்டு வந்தது. ஆனால், அதில் உண்மை இல்லை என அவரே தெளிவுபடுத்தி உள்ளார். யுவென்டஸ் அணியில் தான் மகிழ்ச்சியாக இருப்பதாக கூறி உள்ளார்.