மெஸ்ஸியின் முத்தம்
உலகக்கோப்பையை வென்ற நொடியில் வந்த ஆனந்த கண்ணீர், தொடர் நாயன் விருதை வென்றபோது, உலகக்கோப்பைக்கு கொடுத்த முத்தம், உலகக்கோப்பையை பெற்றதும் குழந்தையை கொஞ்சிய முகம், சக வீரர்களுடனான கொண்டாட்டம் என்று லயோனல் மெஸ்ஸி நினைவுகள் அவ்வளவு மறக்க போவதில்லை.
லயோனல் மெஸ்ஸி பேட்டி
அதுமட்டுமல்லாமல், இதுபோல் ஒரு உலகக்கோப்பை இறுதிப்போட்டியை காட்டுவோருக்கு "லைப்டைம் செட்டில்மெண்ட்" என்று தாராளமாக கூறும் அளவிற்கு ஒரு ஆட்டம் நிறைவடைந்துள்ளது. இன்னும் சில நாட்களுக்கு மக்கள் அனைவருக்கும் உலகக்கோப்பை இறுதிப்போட்டியும், லயோனல் மெஸ்ஸியும் பொழுதுபோக்கு. ஆனால் லயோனல் மெஸ்ஸி, உடனடியாக உலகக்கோப்பையை அர்ஜென்டினாவுக்கு கொண்டு சென்று மக்களுடன் கொண்டாட வேண்டும் என்று தெரிவித்துள்ளார்.
மெஸ்ஸியின் உள்ளுணர்வு
உலகக்கோப்பையை வென்ற மூன்றாவது அர்ஜென்டினா கேப்டன் மெஸ்ஸி செய்தியாளர்களை சந்தித்து கூறுகையில், இந்த ஒரு தருணத்திற்காக வாழ்நாள் முழுக்க ஏங்கி இருக்கிறேன். ஆனால் கடவுள் ஒருநாள் உலகக்கோப்பை என்னும் பரிசை எனக்கு வழங்குவார் என்று தெரியும். இந்த உலகக்கோப்பைத் தொடர் தொடங்கும் போது, இது எனது தொடர் என்ற உணர்வு எனக்குள் இருந்தது. இந்த கோப்பை என் கையில் ஏந்த கொஞ்சம் அதிக காலம் காத்திருக்க வேண்டியதாயிற்று.
உடனடி ஓய்வு?
உலகக்கோப்பையை வெல்வதற்காக ஏராளமான கஷ்டங்களை சந்தித்தோம். ஆனால் அனைத்து கஷ்டங்களையும் கடந்து வெற்றிபெற்றுள்ளோம். அர்ஜென்டினா சென்று மக்களுடன் கொண்டாட வேண்டும். உடனடியாக தேசிய அணியில் இருந்து ஓய்வை அறிவிக்க போவதில்லை. சாம்பியன் பட்டத்துடன் மீண்டும் அர்ஜென்டினா ஜெர்சி அணிந்து சில தொடர்கள் விளையாட வேண்டும் என்று தெரிவித்தார்.