துப்பாக்கிச் சுடுதல்
துப்பாக்கிச் சுடுதலில், காமன்வெல்த் போட்டியில் தங்கம் வென்று அசத்தினார் 16 வயதாகும் மனு பாங்கர். மிகவும் குறைந்த வயதில் தங்கம் வென்றவர் என்ற அவருடைய சாதனையை அடுத்த சில நாட்களிலேயே முறியடித்தார் 15 வயதாகும் அனிஷ் பான்வாலா. இவர்களைத் தவிர 18 வயதாகும் தமிழகத்தைச் சேர்ந்த இளவேனில் வளரிவானும் தங்கம் வெல்வார் என பெரியும் எதிர்பார்க்கப்படுகிறது.
|
மல்யுத்தம், குத்துச்சண்டை
மல்யுத்தத்தில் கடந்த முறை வெள்ளி வென்ற பஜ்ரங் புனியா மீது பெரும் எதிர்பார்ப்பு உள்ளது. மகளிர் பிரிவில் வினேஷ் போகத் தங்கம் வெல்வார் என்று எதிர்பார்க்கலாம். குத்துச்சண்டையில் ஏற்கெனவே இரண்டு ஆசிய விளையாட்டுப் போட்டிகளில் பதக்கம் வென்ற விகாஸ் கிருஷண், இந்த முறை தங்கம் வெல்வார் என்ற எதிர்பார்ப்பு உள்ளது.
கபடி மற்றும் ஹாக்கி
கபடியில் இதுவரை 9 முறை தங்கம் வென்றுள்ள இந்தியா, இந்த முறையும் அதைத் தொடரும் என்று உறுதியாக நம்பலாம். தங்கத்தைத் தவிர வேறு எதுவும் தற்போதுள்ள இந்திய ஹாக்கி அணியின் திறமைக்கு குறைவானதாகவே அமையும்.
ஈட்டி எறிதலில் நீரஜ்
துவக்க விழாவில் தேசியக் கொடியை ஏந்திச் செல்ல உள்ள 20 வயதாகும் ஈட்டி எறிதல் வீரர் நீரஜ் சோப்ரா இந்தியாவுக்கு தங்கம் வென்று பெருமை சேர்ப்பார் என்று நம்பலாம்.