3வது இடமே
100 மீட்டர் ஓட்டத்தில் மூன்றாவது இடத்தைப் பிடித்தபோது, சக வீரர்களே அதிர்ச்சி அடைந்தனர். இந்த உலக தடகளப் போட்டியில், தங்கத்துடன் விடைபெறும் கடைசி வாய்ப்பு அவருக்கு கிடைத்திருந்தது.
யாரும் எதிர்பாராத அதிர்ச்சி
100 மீட்டர் தொடர் ஓட்டத்தின் இறுதிக்கு, ஐமைக்கா அணியை அவர் இட்டுச் சென்றார். இன்று அதிகாலையில் நடந்த போட்டியில், யாரும் எதிர்பாராத அதிர்ச்சி நடந்தது.
தொடங்கியதும் 3வது இடம்
ஒரு அணியில் நான்கு பேர் தொடர்ந்து ஓடி, வெற்றி இலக்கை எட்ட வேண்டும். முதல் மூன்று பேர் ஓடியப் பிறகு, நான்காவதாக போல்ட் தயாராக இருந்தார். அவருடைய ஓட்டம் துவங்கியபோது, மூன்றாவது இடத்தில் இருந்தார்.
மைதானத்தில் சுருண்டு விழுந்தார்
இதெல்லாம் அவருக்கு ரொம்ப சகஜம். தங்கம் வெல்வது நிச்சயம் என்று எதிர்பார்த்த நேரத்தில், எல்லையை தொடுவதற்கு சில மீட்டரே இருந்த நேரத்தில், திடீரென நொண்டத் தொடங்கினார். தட்டுத் தடுமாறி நடக்க முயன்றவர், மைதானத்தில் சுருண்டு விழுந்தார்.
காலில் தசைப்பிடிப்பு
காலில் ஏற்பட்ட தசைப் பிடிப்பால் அவரால் இலக்கை எட்ட முடியவில்லை. இதனால், மைதானத்தில் இருந்த, 60 ஆயிரம் பேர் மற்றும் டிவியில் பார்த்துக் கொண்டிருந்தவர்கள் கடும் அதிர்ச்சி அடைந்தனர்.
கண்ணுக்கு எட்டிய தூரத்தில்
கடைசி போட்டியில் தங்கம் வெல்லும் வாய்ப்பு கண்ணுக்கு எதிரே இருந்தபோதும், அதை போல்ட் இழந்தது, அனைவரையும் சோகத்தில் ஆழ்த்தி விட்டது.