நம்பிக்கைதான்
இது வெறும் நம்பிக்கைதான். நானும், லியாண்டரும் பதக்கம் வென்றால் சரி. சந்தோஷம்தான். கனவு நனவாகும்தான். ஆனால் வெல்லாவிட்டால் வாழ்க்கை தொடரத்தானே செய்யும். அது ஒன்றும் முடிந்து போய் விடாதே. உலகம் அழிந்து போய் விடாதே என்றார் அவர்.
ரமேஷ் கிருஷ்ணனுக்கு இது வேணும்
முன்னாள் டென்னிஸ் ஸ்டார் ரமேஷ் கிருஷ்ணன் சமீபத்தில் கருத்து தெரிவிக்கையில், கடந்த 1996ம் ஆண்டு நடந்த அட்லாண்டா ஒலிம்பிக் போட்டியில் லியாண்டர் பயஸ் ஒற்றையர் பிரிவில் வெண்கலப் பதக்கம் வென்றிருந்தார். இப்போது ரியோ ஒலிம்பிக் போட்டியில் சானியாவுடன் இணைந்து ஆடுவதால் இன்னொரு பதக்கம் பிரகாசமாகியுள்ளது என்று கூறியிருந்தார். அது குறித்து நிருபர்கள் கேட்கப் போய்த்தான் இப்படி பதிலளித்துள்ளார் சானியா.
வாலினி வலி நிவாரணி
மும்பையில், வாலினி வலி நிவாரண தைலத்திற்கான பிராண்ட் அம்பாசடர்களை அறிமுகப்படுத்தும் விழா நடந்தது. பிராண்ட் அம்பாசடர்களாக சானியாவும், கால்பந்து வீரர் சுனில் செட்ரியும் நியமிக்கப்பட்டுள்ளனர். இந்த விழாவின்போதுதான் சானியாவின் பேச்சு இப்படி இருந்தது.
சின்ன மெடல்தான்.. ஆனால் பெருமை பெரிதாயிற்றே
சர்வதேச போட்டிகளில் பரிசுகளையும், வெற்றிகளையும் குவிப்பது சானியாவுக்குத் தனிப்பட்ட முறையில்தான் பெருமை தரும். ஆனால் அவர் ஒலிம்பிக்கில் வெல்லும் அந்த சின்னஞ்சிறு பதக்கத்தால் (பரிசெல்லாம் தர மாட்டார்கள், வெறும் மெடல்தான்) ஒட்டுமொத்த நாடும் பெருமை பெரும் என்பதை சானியா உணர வேண்டும்.