டேவிஸ் கோப்பையில் இந்திய வீரர்கள் அபார வெற்றி.. தோற்று ஓடிய பாகிஸ்தான் அணி!

இந்தியா அபார வெற்றி

கஜகஸ்தான் தலைநகர் நூர் சுல்தானில் நடைபெற்ற போட்டிகளில் இந்தியா 4க்கு 0 என்ற செட் கணக்கில் பாகிஸ்தானை கலங்கடித்து ஓரம்கட்டி வெற்றி பெற்றுள்ளது.

18 கிராண்ட்ஸ்லாம் வென்ற லியாண்டர் பயஸ்

ஆசிய ஓசோனியா மண்டலம் 1 பிரிவுக்குட்பட்ட இந்தியா மற்றும் பாகிஸ்தான் அணிகளுக்கிடையிலான டேவிஸ் கோப்பை போட்டி நடைபெற்றது. இதில் 18 கிராண்ட்ஸ்லாம் சாம்பியன் லியாண்டர் பயஸ் போட்டியிட்டார்.

மிரண்டு ஓடிய பாகிஸ்தான் வீரர்கள்

லியாண்டர் பயஸ் மற்றும் ஜீவன் நெடுஞ்செழியன் இணை பாகிஸ்தானின் இளம் வீரர்கள் முகமது ஷோயிப் மற்றும் ஹுசைபா அப்துல் ரஹ்மான் ஜோடியை எதிர்கொண்டு ஆண்டு 6க்கு 1, 6க்கு 3 என்ற செட்கணக்கில் கதற அடித்து வெற்றி கொண்டது.

32 வினாடிகளில் வெற்றி

இதேபோல ஒற்றையர் பிரிவில் சுமித் நாகல் தன்னை எதிர்த்து களம் கண்ட பாகிஸ்தானின் யூசப் காலில்லை 6க்கு 1 மற்றும் 6க்கு பூஜ்ஜியம் என்ற செட் கணக்கில் எளிதாக வெற்றி கொண்டார்.

குரோஷியாவுடன் இந்தியா மோதல்

டேவிஸ் கோப்பையில் வெற்றி கண்டுள்ள இந்தியா வரும் மார்ச் மாதம் 6 - 7 தேதிகளில் குரோஷியாவுடன் உலக தகுதி சுற்றில் மோதுகிறது.

நிகோலாவின் சாதனை முறியடிப்பு

டேவிஸ் கோப்பை இரட்டையர் வரலாற்றில் 43வது வெற்றியை பெற்று லியாண்டர் பயஸ் சாதனை படைத்துள்ளார். 56 போட்டிகளில் விளையாடி இவர் தனது 43வது வெற்றியை பெற்றுள்ளார். இதன்மூலம் இத்தாலியின் நட்சத்திர வீரர் நிகோலா பீட்ரஞ்சலியின் 66 ஆட்டங்களுக்கு 42 போட்டிகள் வெற்றி என்ற சாதனையை இவர் வீழ்த்தியுள்ளார்.