பாரீஸ்: பிரெஞ்சு ஓபன் மகளிர் இரட்டையர் பட்டத்தை பிரான்ஸைச் சேர்ந்த கரோலின் கார்சியா, கிறிஸ்டினா மெலடனோவிக் ஜோடி வென்றுள்ளது. 45 வருடங்களுக்குப் பிறகு பிரெஞ்சு ஜோடி ஒன்று பிரெஞ்சு மகளிர் இரட்டையர் பட்டத்தை வெல்வது இதுவே முதல் முறை என்பது குறிப்பிடத்தக்கது.
இறுதிப் போட்டியில் ரஷ்யாவின் ஏகதெரினா மகரோவா - எலீனா வெஸ்னினா ஜோடியை 6-3, 2-6, 6-4 என்ற செட் கணக்கில் பிரெஞ்சு ஜோடி வீழ்த்தி சாம்பியன் பட்டத்தைப் பெற்றது.
பிரெஞ்சு ஜோடிக்கு இது 15வது இறுதிப் போட்டியாகும். மேலும் 5வது முக்கிய இறுதிப் போட்டியுமாகும். மேலும் இது அவர்களுக்கு 3வது கிராண்ட்ஸ்லாம் பட்டமாகும்.
கடைசியாக 1971ம் ஆண்டுதான் பிரெஞ்சு ஜோடியான கெய்ல் ஷெரீப் லோவரா மற்றும் பிரான்காய்ஸ் டுர் வோன் மகளிர் இரட்டையர் பட்டத்தை வென்றிருந்தனர் என்பது குறிப்பிடத்தக்கது.