திட்டமிட்டபடி போட்டிகள் சென்னையில் நடக்கும்.. காவிரி எழுச்சியை உதாசீனப்படுத்தும் ராஜீவ் சுக்லா

மொத்தம் எத்தனை போட்டிகள்

சென்னை அணி மொத்தம் 14 லீக் போட்டிகளில் விளையாடும். இதில் 7 போட்டிகள் சென்னை சேப்பாக்கம் மைதானத்தில் நடக்கும். மீதமுள்ள போட்டிகள் மற்ற மைதானங்களில் நடக்கும். இதில் சென்னை மைதானத்தில் முதல் போட்டி இன்று கொல்கத்தாவிற்கு எதிராக நடக்க உள்ளது.

நடக்காது என்று கூறினார்

இன்றைய போட்டி மிகுந்த பாதுகாப்பிற்கு பின்பே நடக்கிறது. வீரர்களுக்கு பெரிய அளவில் போலீஸ் பாதுகாப்பு அளிக்கப்பட்டுள்ளது. அதே போல் ரசிகர்களுக்கும் நிறைய கட்டுப்பாடுகள் விதிக்கப்பட்டு இருக்கிறது. இதனால் இப்போதுவரை மைதானத்திற்கு ஒரு ரசிகர் கூட செல்ல முடியவில்லை.

என்ன ஆனாலும் நடக்கும்

சென்னையில் திட்டமிட்டபடி அனைத்து ஐபிஎல் போட்டிகளும் நடக்கும் என்று ஐ.பி.எல் தொடரின் சி.இ.ஓ ராஜீவ் சுக்லா தெரிவித்துள்ளார். என்ன பிரச்சனை நடந்தாலும் போட்டி நடக்கும் என்று அவர் கூறியுள்ளார். 7 போட்டிகளும் எந்த பிரச்சனையும் இன்றி கண்டிப்பாக நடக்கும் என்று அவர் குறிப்பிட்டுள்ளார்.

பெரிய அளவில் அவமதிப்பு

இவரது இந்த காவிரி போராட்டத்தை கொச்சைப்படுத்தும் விதத்தில் இருப்பதாக மக்கள் தெரிவித்துள்ளனர். மக்களின் உணர்வுகளுக்கு இவர் மதிப்பளிக்கவில்லை என்று போராட்டக்காரர்கள் பேசி இருக்கிறார்கள். ஐபிஎல் போட்டி வேண்டாம் என்று கூறவில்லை சென்னையில் நடந்த வேண்டாம் என்றுதான் கூறினோம், அதை கூட செய்ய முடியாதா என்று அவருக்கு பதிலடி கொடுத்துள்ளனர்.