பும்ராவை விட அவர்தான் மேல்.. அவரது திறமையே வேற.. இளம் வீரரை புகழ்ந்து தள்ளும் ஆஷிஷ் நெஹ்ரா

பும்ராவை விட சிறந்தவர்

இதுகுறித்து பேசிய அவர், கடந்த 3 - 4 வருடங்களாங்காக பார்த்து வருகிறேன். இந்திய அணியில் பவுலிங் என்றால் ஜஸ்பிரித் பும்ராவை மட்டுமே அனைவரும் கொண்டாடி வருகின்றனர். ஆனால் ஆற்றலை பொறுத்தவரை பும்ராவை விட முகமது சிராஜ் சிறந்தவர்.

இது அனைத்து வடிவ கிரிக்கெட்டிற்கும் பொருந்தும்.

செயல்பாடு

கடந்த 2 வருடங்களாக சிராஜின் பவுலிங் திறமை குறித்து பேசப்பட்டு வருகிறது. அவர் இந்திய ஏ பிரிவு விளையாடிய போது ஒவ்வொரு போட்டியிலும் 5 - 6 விக்கெட்களை எடுத்துள்ளார். எனவே அவர் ஒரு சிறந்த டெஸ்ட் வீரராக திகழ்கிறார். டெஸ்ட் கிரிக்கெட்டில் சிறந்து விளங்கும் ஒரு பவுலர் ஒரு நாள் மற்றும் டி20 போட்டிகளிலும் சிறப்பாக செயல்படுவார்.

பொருத்தமான வீரர்

டி20 போட்டிகளுக்கு மட்டும் சில வீரர்கள் அணியில் சேர்க்கப்படுகின்றனர். ஆனால் முகமது சிராஜ் அனைத்து வடிவ கிரிக்கெட்டிற்கும் பொருத்தமானவர். அவரிடம் பவுலிங்கில் அனைத்து விதமான வேறுபாடுகள் தெரிகின்றன. சிராஜினால், சிறப்பான ஸ்லோ பால்கள், அதிகப்படியான வேகம் இல்லை, புதிய பந்தை கையாள முடிகிறது. அவர் தனது உடல் ஃபிட்னஸையும், மனநிலையையும் சரியாக மேம்படுத்தி வந்தால், அவருக்கு வானம் தான் எல்லை என நெஹ்ரா புகழ்ந்துள்ளார்.

சிராஜின் புள்ளிவிவரம்

இந்திய அணிக்காக சமீபத்தில் அறிமுகமான முகமது சிராஜ், இதுவரை 5 டெஸ்ட் போட்டிகளில் விளையாடி 16 விக்கெட்கள் எடுத்துள்ளார். 3 டி20 போட்டிகளில் ஆடி 3 விக்கெட்களை கைப்பற்றியுள்ளார். ஐபிஎல் தொடரை பொறுத்தவரை 39 போட்டிகளில் விளையாடியுள்ள சிராஜ் 44 விக்கெட்கள் எடுத்துள்ளார்.