ஏன் தோத்தீங்க..? பிசிசியின் அந்த 7 கேள்விகள்... வசமாக மாட்ட போகும் ரவி சாஸ்திரி, கோலி

7 கேள்விகள் தயார்

அதே நேரத்தில் ரவி சாஸ்திரி மற்றும் கோலியிடம் பல கேள்வி கணைகளை தொடுக்க பிசிசிஐ தயாராகி வருகிறது. அதற்கான கேள்விகளையும் தயாரித்து வைத்திருக்கிறது பிசிசிஐ. முக்கியமாக 7 கேள்விகளை வைத்திருக்கிறது.

முடிவுகளை எடுத்தீர்களா?

அதில் முக்கியமாக கிடுக்கிப்பிடி கேள்வியாக ஒரு கேள்வியை வைத்திருக்கிறது பிசிசிஐ. அந்த கேள்வி இதுதான்... நியூசிலாந்துக்கு எதிரான அரையிறுதியில் 7வது இடத்தில் தோனியை களம் இறக்க காரணம் என்ன ? மேலும் வீரர்களுடன் கலந்து ஆலோசித்து இந்த முடிவுகளை எடுத்தீர்களா ?

4வது இடம் யாருக்கு?

இல்லை.. தனிப்பட்ட முறையில் பயிற்சியாளர் மற்றும் கேப்டன் என்ற அடிப்படையில் இந்த முடிவுகளை எடுத்தீர்களா ? என்ற கேள்வி கேட்கப்பட உள்ளது. அது தவிர, ஒன்றரை ஆண்டுகளாக 4வது இடத்திற்கு அம்பத்தி ராயுடுவை தயார் செய்து உலக கோப்பை தொடரில் அவரை கழற்றிவிட்டது ஏன்? கேள்வியும் பட்டியலில் உள்ளது.

விஜய் சங்கர் விவகாரம்

உலக கோப்பை புள்ளிகள் பட்டியலில் முதலிடத்தில் இருந்த இந்தியா, அரை இறுதியில் தோற்றதற்கு என்ன காரணம் ? மிடில் ஆர்டரில் விஜய் சங்கர் காயம் அடைந்த போது தொடக்க வீரரான மயங்க் அகர்வாலை தேர்ந்தெடுக்க காரணம் என்ன ?

அந்த வீரர்கள் யார்?

4ம் நிலை வீரரை உறுதி செய்யாமல் உலக கோப்பை தொடரில் சென்றதற்கு என்ன காரணம் ? இந்திய அணியில் சிறப்பாக செயல்படாத வீரர்கள் யார் யார் ? என்ற கேள்விகளும், அடுத்த வருடம் நடக்கும் உலகக்கோப்பை டி20 போட்டிக்காக அணியின் திட்டம் குறித்தும் கேள்விகள் கேட்கப்பட உள்ளன.