சினிமா டைரக்ஷனா கிரிக்கெட்...
இதில் இயக்குநர் என்ற ஹோதாவில் என்ன செய்யப் போகிறார் ரவி சாஸ்திரி என்று தெரியவில்லை. அவரது வேலை என்ன என்பதையும் திட்டவட்டமாக தெளிவுபடுத்தவில்லை வாரியம். மாறாக, மொத்த அணியின் நிர்வாகத்தையும் பார்ப்பார் என்று கூறியுள்ளனர்.
பெரிய அளவில் எடுபடுமா
ரவி சாஸ்திரி கவுண்டி கிரிக்கெட் போட்டிகளில் விளையாடிய அனுபவம் மிக்கவர்தான், இல்லை என்று சொல்லவில்லை. நல்ல பந்து வீச்சாளரும் கூட, பேட்டிங்கும் கூட ஓ.கேதான். ஆனால் தற்போதைய நிலையில் சாஸ்திரிக்குப் பதில் வேறு சில நிபுணர்களை சற்று இள ரத்தமாக பார்த்து அனுப்பியிருக்கலாம்.
டிராவிட் - லட்சுமண் - ஸ்ரீகாந்த் போதுமே
சாஸ்திரியை அனுப்பியதற்குப் பதில் உண்மையிலேயே நிபுணத்துவம் பெற்ற பழைய கிருஷ்ணமாச்சாரி ஸ்ரீகாந்த், ராகுல் டிராவிட், விவிஎஸ் லட்சுமண் ஆகியோரை அனுப்பியிருக்கலாம்.
தனித் தனி திறமையாளர்கள்
ஸ்ரீகாந்த் பீல்டிங் வியூகம் வைப்பதில் கில்லாடி. மூக்கை உஸ் உஸ் என்று நெளித்தபடி திரிந்தாலும் கூட ஸ்ரீகாந்த் பெஸ்ட் பீல்டிங் வகுப்பாளர்.. அதில் யாருக்கும் சந்தேகம் இருக்க முடியாது. அதேபோல பேட்டிங் நுனுக்கங்களும் நன்கு அறிந்தவர் ஸ்ரீகாந்த். பந்து வீச்சிலும் ஆலோசனை கூறக் கூடியவர்.
பீல்டிங் - பேட்டிங்குக்கு டிராவிட்
அதேபோல பீல்டிங், பேட்டிங்கில் இங்கிலாந்தில் நல்ல அனுபவம் கொண்டவர் டிராவிட். அவரையும் உபயோகப்படுத்தியிருக்கலாம்.
பீல்டிங் கிங் லட்சுமண்
பீல்டிங்கில் கிங் என்று பெயர் வாங்கியவர் லட்சுமண். பீல்டிங் மட்டுமல்லாமல், வெளிநாடுகளில் எப்படி ஆடுவது என்ற சூட்சுமதத்தை ஓரளவு நன்றாகவே கற்றுக் கொண்டவரும் கூட. இவர் நிறையவே உபயோகப்பட்டிருப்பார். ஸ்லிப் பீல்டிங் குறித்து இவரை விட்டு ஒரு இரண்டு கிளாஸ் எடுக்கவாச்சும் சொல்லியிருக்கலாம்.
பாங்கர் சொல்வதை டோணி கேட்பாரா
அதை விட முக்கியமாக இப்போது புதியவர்களாக அங்கு போயுள்ள சஞ்சய் பாங்கர், பரத் அருண், ஸ்ரீதர் போன்றோரின் ஆலோசனைகளை, டிப்ஸ்களை தற்போதைய இந்திய அணி வீரர்களில் எத்தனை பேர் காது கொடுத்து கவனமாக கேட்பார்கள் என்பதை உறுதியாகச் சொல்ல முடியாது.
எப்படியோ புதிதாக ஒரு மேஸ்திரியை போட்டாச்சு... சாஸ்திரம், சடங்கு நல்லபடியா நடந்து ஜெயிச்சு வந்தால் சரி.. இல்லாட்டி சாஸ்திரியை மாத்திட்டாப் போச்சு...!