இந்தியா வெற்றி
அப்போது மழை விளையாட, இந்திய அணி 22 ரன்கள் வித்தியாசத்தில் வெற்றி பெற்றதாக அறிவிக்கப்பட்டது. முன்னதாக இந்த தொடரில் இருந்து விலகிய தோனி தற்போது ராணுவ பயிற்சியில் ஈடுபட்டு வருகிறார்.
தோனி ரசிகர்கள்
அவர் இல்லாத இந்த தொடரை தோனி ரசிகர்கள் மிகவும் வருத்தத்துடன் எதிர் கொண்டு வருகின்றனர். அதற்கு ஒரு காரணம் இருக்கிறது... எப்படியாவது தல தோனியை அணியை விட்டே துரத்த வேண்டும் என்று அவருக்கு அளித்த நெருக்கடி அப்படி என்று கூறுகின்றனர் அவரது ரசிகர்கள்.
|
ரசிகர்கள் ஆதரவு
தோனி இந்த தொடரில் இல்லை என்றாலும் இந்திய அணி கலந்து கொள்ளும் போட்டிகளில் தவறாமல் அவரது ரசிகர்கள் வருகையை பதிவு செய்து விடுகின்றனர். இந்திய அணியை உற்சாகப்படுத்தும் அவர்கள், தோனியையும் ஞாபகப்படுத்தி வருகின்றனர்.
|
மிஸ் யூ தோனி
அதன்படி அமெரிக்காவின் புளோரிடாவில் நடந்த போட்டியில் தல தோனி ரசிகர்கள் அவரது கைப்படத்தை ஏந்தியபடி மிஸ் யூ தோனி என்று நின்று கொண்டிருந்தனர். அதன் மூலம் உலகின் எந்த மூலைக்கு சென்றாலும் தோனி ரசிகர்கள் திரண்டு வந்து உற்சாகப்படுத்துவார்கள் என்பதை காண முடிந்தது.